اسلام آباد۔ یکم دسمبر(اے پی پی)صدر مملکت ڈاکٹر عارف علوی صحافیاں دے تحفظ اتے آزادانہ صحافت دی ترقی سانڳے جرنلسٹس ??ین?? میڈیا پرو??یش??لز پروٹیکشن ایکٹ 2021 تے دستخط کر ݙتن۔ دستخط دی تقریب ایوان صدر اچ تھئی ۔ تقریب اچ وفاقی وزیر اطلاعات و نشریات چوہدری فواد حسین، وفاقی وزیر انسانی حقوق ڈاکٹر شیریں مزاری، وزیر مملکت اطلاعات و نشریات فرخ حبیب، وزیراعظم دے معاون خصوصی سیاسی ابلاغ ڈاکٹر شہباز گل، وزارت اطلاعات ونشریات اتے ایندے ذیلی اداریاں دے افسران و ملازمین، صحافتی تنظیماں دے عہدیداران اتے صحافیاں وݙی تعداد اچ شرکت کیتی۔ قومی اسمبلی 8 نومبر 2021 اتے سینیٹ 19 نومبر 2021 کوں صحافیاں اتے میڈیا پرو??یش??لز دے تحفظ (ایکٹ ) بل 2021 دی منظوری ݙتی ہئی۔ ایکٹ دے تحت صحافیاں اتے میڈیا پرو??یش??لز کوں حق رازداری مل ڳئے۔ صحافیاں کوں پیشہ ورانہ ذمہ داریاں دی آزادانہ اتے غیر جانبدارانہ انجام دہی اتے آزادی اظہار رائے دا حق ملیے۔ انہاں کوں نجی زندگی، گھر اتے ذاتی خط و کتابت ( بشمول الیکٹرانک گفت و شنید) دی پرائیویسی، اپݨی خبر دے ذرائع لکاوݨ دا حق، کہیں وی فرد یا ادارے ولوں جبر، ??شدد، خوف و ہراس، دھونس، دھمکی اتے جبری گمشدگی دے خلاف تحفظ مل ڳئے۔ بل دے تحت انسداد دہشت گردی اتے قومی سلامتی دے قوانین دی میڈیا پرو??یش??لز دی پیشہ ورانہ سرگرمیاں کوں روکݨ دے خلاف ناحق استعمال روکیا ویسی۔ میڈیا مالکان صحافیاں اتے میڈیا پرو??یش??لز کوں مقررہ معیارات دے تحت لائف ??ین?? ہیلتھ انشورنس ݙیسن۔ میڈیا مالکان صحافیاں کوں ویلھے تے تنخواہ ݙیوݨ دے وی پابند ہوسن۔ صحافیوں اتے میڈیا پرو??یش??لز دے تحفظ، شکایات دی آزادانہ تفتیش اتے فوری ازالہ کیتے آزاد کمیشن ٻݨایا ویسی۔ کمیشن اچ پاکستان بار کونسل، پی ایف یو جے، نیشنل پریس کلب، پی آر اے، وزرات انسانی حقوق ، وزارت اطلاعات و نشریات دے نمائندے شامل ہوسن۔ وفاقی حکومت کمیشن دے چیئرپرسن دا ݙو سال کیتے تقرر کریسی، کمیشن اچ ڳھٹو ڳھٹ 3 تریمتیں ارکان شامل ہوسن۔ بل دے تحت آئین دے آرٹیکل 9 دے مطابق صحافیاں اتے میڈیا پرو??یش??لز دی زندگی اتے سکیورٹی دا حق ݙتا ویسی۔ کوئی شخص، ادارہ کہیں صحافی اتے میڈیا پرو ??یش??لز دے حق زندگی اتے حفاظت دی خلاف ورزی نہ کر سڳسی۔ حکومت صحافیاں اتے میڈیا پرو??یش??لز دی جبری یا رضا کارانہ گمشدگی، اغوا دے خلاف تحفظ ݙیسی۔ اے حق اظہار رائے رائج قوانین دے مطابق ہوسی۔ بل دے تحت قومیت، نسلی، مذہبی منافرت کوں ہوا ݙیوݨ آلے اتے امتیاز، دہشت یا تشدد کوں بھڑکاوݨ آلے مواد تے پابندی ہوسی۔ نسلی،لسانی، ثقافتی یا صنفی نفرت کھنݙاوݨ آلے مواد دی تخلیق تے پابندی ہوسی۔ بل دے تحت صحافیاں اتے میڈیا پرو??یش??لز کیتے اے لازمی ہوسی جو اشاعتی مواد غلط یا کوڑ نہ ہوسی نتاں مقدمہ چلسی، تشدد یا دھمکاوݨ دی صورت اچ ادارے یا کارکن دے خلاف 14 ݙینھ اچ کمیشن کوں شکایت درج کرا سڳسن جیندے تے قانونی کارروائی کیتی ویسی۔
صدر مملکت ڈاکٹر عارف علوی پروٹیکشن آف جرنلسٹس اینڈ میڈیا پروفیشنلز ایکٹ 2021 تے دستخط کرݙتن
مضمون کا ماخذ : میگا ملینز کا انعام
متعلقہ مضامین
