اسلام آباد 31 جولائي (اے پي پي) صدر مملكت ډاكټر عارف علوي وئيلي دي چې د شجركارې ودې لپاره په سكولونو كښې ماشومانو ته ترغيب وركول ضروري دي، د سېل ځايونه پاك ساتل زمونږ وړومبې ذمه واري ده، د موسمياتي بدلون د وزارت كاركردګي مثالي ده، د ماحولياتو تحفظ لپاره زرتاج ګل او ملك امين اسلم غوره كار كړے، ځوان كول دې د پاكستان په شين او ښېرازه كولو كښې بشپړه برخه واخلي. د خالي په ورځ يوې دستورې ته په خپله وېنا كښې صدر مملكت ووئيل چې ده او ثمينه عوي د حكومت څخه يو يو لك ونې ترلاسه كولو په خلقو كښې وېشلې دي چې دغسې په كراچې كښې شجركارې ته وده وركړې شي. صدر مملكت ووئيل چې د سرو او زرعي داروګانو د نامناسب استعمال په وجه د حشراتو د 60 نه تر 70 فيصده آبادي ختم شوې، ونې زياتېدو سره به د حشرات په زياتېدو كښې هم مرسته وشي. ده ووئيل چې د سرو او داروګانو آغېز تر ډېره موده وي، ځكه د دې په استعمال كښې د احتياط ضرورت دے. صدر مملكت ووئيل چې پھاكستان د كووډ 19 وبا په مهال چې كومې كاميابې ترلاسه كړې دي، هغه نړۍ هم منلې دي. صدر مملكت په دې خبره د افسوس څرګندونه وكړه چې كله شمالي سيمو ته څوك لاړ شي نو هلته خزله په نظر راځي چې ورسره قدرتي ښكلا ځپلې كېږي. ده ووئيل چې د مشرانو په مقابله كښې ځوان كول ډېر ماحول دوست دے او خلق هم په دې لړ كښې خبروي. صدر مملكت هدايت وكړو چې د سېلګرو په ځايونو كښې خزله ونه غورځولې شي بلكې دا دې په مناسبه طريقه تلف كړې شي. صدر مملكت ووئيل چې پھ خېبر پښتونخوا كښې سېلګري وده كوي، هره ورځ پنځه پنځه پروازونه سكردو ته ځي، ده ووئيل چې په ګلګت بلتستان كښې ټوله آبادي 15 لكه ده خو سږ كال هلته د 20 نه تر 25 لكه د سېلګرو د راتګ توقع ده. صدر مملكت ډاكټر عارف علوي پاكستاني اولس ته ووئيل چې هغه دې پاكستان شين او پاكولو لپاره خپل كردار ترسره كړي.
د شجركارې ودې لپاره په سكولونو كښې ماشومانو ته ترغيب وركول ضروري دي، د سېل ځايونه پاك ساتل زمونږ وړومبې ذمه واري ده، د موسمياتي بدلون د وزارت كاركردګي مثالي ده. صدر مملكت ډاكټر عارف علوي
مضمون کا ماخذ : لوٹومینیا اکومولڈا
متعلقہ مضامین
