اسلام آباد۔10ستمبر(اے پی پی) د منصوبه بندۍ وفاقي وزير احسن اقبال په مشرۍ كښې د ګل په ورځ غونډه كښې د تحلیل شوې ادارې پی ډبلیو ډی تر انتظام لاندې د روانو پرمختيائي منصوبو صوبائي حكومتونو ته د منتقل كولو عمل ګړندي پرېكړه وكړې شوه۔ په غونډه كښې د منصوبه بندۍ سېكرټري او د بېلو صوبو اعلی چارواكو ګډون وكړو۔ په غونډه كښې په دې خبره اتفاق وكړے شو چې پي اېس ډي پي منصوبې دې زر تر زره صوبائي حكومتونو ته منتقل كړې شي دغسې چې په دې منصوبو كار روان وساتلے شي۔ د منصوبه بندۍ وفاقي وزير ووئيل يوازې منصوبې صوبو ته منتقل كولې شي او دې منصوبو ته به د پي اېس ډي پي لاندې وركړې كېدونكې فنډنګ روان وي۔ ده صوبو ته هدايت وكړو چې هغوي دې د يوې اونۍ دننه د منتقل كېدونكو روانو منصوبو په اړه مونږ خبر كړي۔ په وفاق كښې د پي ډبليو ډي روانې منصوبې به هم سي ډي اے او اړوندو وزارتونو ته منتقل كولې شي۔ احسن اقبال ووئيل بلوچستان په دې اړه خپل كار تر ټولو وړاندې بشپړ كړے او پاتې صوبو له به خپل كار د يوې اونۍ دننه بشپړول وي۔ ده ووئيل دې پرېكړې سره هيله ده چې پرمختيائي منصوبې په وخت ترسره شي او اولس ته به ګټه ورسي
د وفاقي وزير احسن اقبال په مشرۍ كښې غونډه ٬ د پي ډبليو ډي منصوبې صوبو ته د منتقل كولو عمل ګړندي كولو پريكړه
مضمون کا ماخذ : میگا ملینز کا بونس
متعلقہ مضامین
