اسلام آباد ۔ 23 جنوری (اے پی پی) کابینہ دی اقتصادی رابطہ کمیٹی (ای سی سی) وزیراعظم دی ہدایت دی روشنی اچ ایں مالی سال 2016-17ء سانگے کھاد تے سبسڈی جاری رکھنڑ دی منظوری ڈے ڈتی اے۔ای سی سی ودھیکی سٹاک توں بغیر سبسڈی ترائے لکھ ٹن یوریا کھاد برآمد کرنڑ دی موکل ڈے ڈتی اے۔ای سی سی دا اجلاس وفاقی وزیرخزانہ اسحاق ڈار دی صدارت اچ سنوار کوں اتھاں پرائم منسٹر آفس اچ تھیا۔اجلاس اچ کابینہ کمیٹی ایں مالی سال وچال فرٹیلائزر سبسڈی سکیم جاری رکھنڑ دی منظوری ڈے ڈتی اے۔ایں بارے پہلے توں طے شدہ شرطاں برقرار رہسن۔حکومت کاشتکاراں اتے زرعی شعبہ دی معاونت سانگے200روپے فی بوری سبسڈی ڈیندی پئی اے۔ای سی سی 28اپریل2017ء تئیں بغیر کہیں سبسڈی دے ترائے لکھ ٹن یوریا کھاد برآمد کرنڑ دی وی موکل ڈے ڈتی اے۔
مضمون کا ماخذ : میٹھا بونانزا
