قلعه سېف الله 01اګست (اے پي پي) وزيراعظم شهبازشريف د طوفاني بارانونو او سېلاب ځپليو مرستې لپاره په خشنوب خيمه بستۍ كښې مېشته خلقو ته د خوراك څښاك په نه وركړے كېدو او د رنځورانو په رېكارډ نه ساتلو د خفګان څرګندونې كولو سره وئېلې دي د بې غورۍ كوونكو ذمه وارو په ضد به كاروائي كولې شي،بايد ځپليو ته دې هېڅ ډول تكليف نه وي٬ كاغذي كاروائي به نه برداشت كوٶ، د مرستې هلې ځلې په بشپړه ډول روانې دي، وفاقيحكومت به د ريليف او بحالۍ په هلو ځلو كښې د صوبائي حكومتونومكمل مرسته كوي٬ د سړكونو او د پولونو بحالۍ كار به د سروے نه پس پېل كولے شي، بايد ځپليو ته په بشپړه توګه معاوضه وركړې شي۔ د دې خيالاتو څرګندونه ده د ګل په ورځ دخشنوبخيمه بستۍ دورې په مهال خبريالانو سره په خبرو كښې كړې۔ په دې موقع د بلوچستان وزيراعليٰ عبدالقدوس بزنجو ، وفاقي وزيران مولانا عبدالواسع، مريم اورنګزېب، شاه زېن بګټي، اسرار ترين، محمدهاشم نوتيزئي او د قامي اسملبۍ غري صلاح الدين ايوبي هم وزيراعظم سره ملګري وو۔وزيراعظم ووئيل ما د باران او سېلاب ځپليو مرستې لپاره د جوړې كړې ريليف خېمه بستۍ دوره كړې خو ځينې كمزورۍ شته د كومو لرې كولو له به چې په سمدستي توګه كاروائي كولې شي٬ په ميډيکل کېمپ كښې عمله شته خو د رنځورانو هېڅ رېكارډ نشته٬ د عملې د شتوالي باوجود رېكارډ نه ساتل لويه كمزوري ده۔ ده ووئيل دا خېمه بستي ھغه كسانو لپاره جوړه كړې شوې د چا كورونه چې د سېلاب او بارانونو له امله تباه شوي٬ زما سپين ګيرو او كوچنيانو سره هم ملاقاتونه شوي٬ اته هلكان او يوه كوچنۍ پحق رسېدلې٬ د دوي كورنيو سره غمرازي او فاتحه خواني مې كړې٬ خو دا د افسوس خبره ده چې په كېمپونو كښې د خوراك څښاك نه ترلاسه كېدو شكايتونه رامخې ته شوي او د بهر نه په خوراك راغوښتلو مجبوره يو٬ ده ووئېل د مرستې په كمېپ كښې د خوراك په نه وركولو به د انتظاميې په ضد كاروائي كولې شي٬ يو اته كلن ماشوم چې په كوم ډول خپلې ستونزې بيان كړې٬ د هغه د ذهن نه ډېر متاثره شوے يم٬ وزيراعليٰ دې د دې كوچني د وېړيا تعليم لپاره اقدامات وكړي۔ ده ووئيل د خوراك څښاك نه غېر دلته كېمپ لګولے شوے٬ د انتظاميې په ضد كاروائي پكار ده٬ زه هيله لرم وزيراعليٰ به د ذمه وارو په ضد كاروائي وكړې۔ ده ووئيل اولس ته د نن نه خوراك څښاك وركول پكار دے٫ دوي ته بايد هېڅ تكليف نه وي ٬ كه دوي ته مونږ خوراك نه شو وركولے نو زمونږ د دې ټولو هلو ځلو څه ګټه نشته ٬ ده ووئېل خوراك سره سره دې د درملنې د سهولتونو هم جاج واخستلے شي، يواځې كاغذي كاروائي پكار نه ده ۔ ده ووئيل وفاقي حكومت به ټولو اعلٰې وزيرانو سره په ګډه د بحالۍ٬ رېسكيو او آبادكارۍ لپاره مرسته كوي۔ ده ووئيل وفاقي حكومت به د حق رسېدليو كورنيو ته لس لكه روپۍ معاوضه وركوي٬ صوبائي حكومت هم د لس لكه روپو معاوضې وركولو اعلان كړے ٬ ده ووئېل په بشپړه توګه د تباه شوو كورونو معاوضه 5 لكه او په جزوي توګه د ړنګو شوو خونو لپاره به 2 لكه روپۍ معاوضه وركولې شي۔ ده ووئيل د پولونو٬ سړكونو او فصلونو سره سره د څاروو د شوي زيان اندازه لګولو لپاره به پي ډي اېم اے او صوبائي حكومتونه په ګډه سروے كوي او د دې سروے له مخئ به ځپليو ته معاوضه وركولې شي او د زيان ازاله به كولې شي
وفاقي حكومت به د ريليف او بحالۍ په هلو ځلو كښې د صوبائي حكومتونو بشپړه مرسته كوي٬بايد ځپليو ته په بشپړه توګه معاوضه وركړې شي٬ هېڅ ډول ستونزهدې نه وي٬ كاغذي كاروائي به نه برداشت كوٶ۔ د وزيراعظم شهباز شريف په خشنوب خيمه بستۍ كښې سېلاب ځپليو ته خطاب
مضمون کا ماخذ : تھنڈرسٹرک II
متعلقہ مضامین
