اسلام آباد ۔13 اپریل(اے پی پی) وزیر مملکت پانڑیں تے بجلی عابد شیر علی آکھیا ہے جو بجلی دی غیر اعلانیہ لوڈشیڈنگ تے متعلقہ عملے دے خلاف کاروائی کیتی ویسی ،کئی آئی پی پی عدم ادائیگی پاروں بند کائنی تھیا ،وستیاں اچ چھی تے شہراں اچ چار گھنٹے دے لوڈشیڈنگ ہے،تھر اچ کولے نال بجلی دی پیداوار سانگے کئی اقدامات کیتے ہن اتھاں سستی بجلی پیدا تھیسی ،خمیس کوں قومی اسمبلی اچ سوالاں دے وقفے دے دوران شاہدہ اختر علی‘ عائشہ سید اتے اسد عمر دے سوالاں دے جواب اچ وزیر مملکت پانڑیں تے بجلی آکھیا جو لاسز دا باعث بنڑنڑ آلی ٹرانسمیشن لائنز دا نظام بہتر بنڑایا گیا ہے جڈاں جو گرڈ سٹیشن کوں وی بہتر بنڑایا ہے ۔مسیت دے بلاں اچ سبسڈی ڈتی ویندی پئی ہے ۔پاکستان قدرتی وسائل نال مالا مال ہے ۔تھر اچ کولیں نال بجلی دی ضرورت پوری کیتی ونج سگدی ہے ۔حکومت تھر اچ کولیں نال بجلی سانگے کئی اقدامات کیتے ہن ،اتھاں سستی بجلی بنڑسی تاں جو کجھ وقت لگسی ۔ شاہدہ رحمانی‘ ساجد نواز‘ قیصر احمد شیخ‘ نواب یوسف تالپور دے سوالاں دے جواب اچ وزیر مملکت عابد شیر علی آکھیا جو ملک اچ سارے آئی پی پیز اپنڑی استعداد دے مطابق بجلی پیدا کر یندے پے ہن ۔ کوئی آئی پی پی عدم ادائیگی پاروں بند کائنی تھیا۔ آئی پی پیز طلب دے مطابق اساں کوں بجلی ڈیندے پے ہن ۔ کیسکو توں 140 ارب روپے‘ فاٹا توں 170 ارب روپے بقایا جات وصول کرنڑے ہن۔ 62 ارب آزاد جموں تے کشمیر حکومت توں بنڑدے ہن ۔ حکومت نیپرا ٹیرف تے سبسڈی ڈیندی پئی ہے ۔ صوبیں توں بقایا جات گھننڑے ہن۔ سندھ حکومت حیسکو دہ مد اچ رقم ڈیندی پئی ہے ۔ انہاں بقایا جات دی وجہ توں گردشی قرضیں دا مسئلہ سامنڑے آندے ہے ۔انہاں آکھیا جو پورے ملک اچ بجلی دی لوڈشیڈنگ داشیڈول ہکو جیہا ہے ۔
بجلی دی غیر اعلانیہ لوڈشیڈنگ تے متعلقہ عملے دے خلاف کاروائی کیتی ویسی ، ،وزیر مملکت پانڑیں تے بجلی
مضمون کا ماخذ : خوش قسمت لڑکی
متعلقہ مضامین
