اسلام آباد ۔ 19 نومبر (اے پی پی)چیئرمین سینیٹ محمد صادق سنجرانی آکھیے جو پاکستان اتے ہالینڈ وچال پرانڑیں ، دوستانہ تعلقات ہن، پارلیمانی تعلقات کوں پکا کرتے ڈوہیں ملکاں وچال معاشی رابطے کوں ودھایا ونج سگدے ،ڈوہیں ملک سانجھی تجارت کوں ودھار ڈیونڑ کیتے سانجھا لائحہ عمل بنڑاون ۔پارلیمانی وفداں دا تبادلہ ضروری اے ۔ اے گال انہاں منگل کوں ہالینڈ اتے فلسطین دے سفیراں انل انجھ انجھ ملاقات اچ آکھی اے ۔ملاقات اچ سانجھے دلچسپی دے امور تے گال مہار تھئی ۔ہالینڈ دے سفیر آکھیا جو پاکستان دے نال تعلقات کوں اہمیت ڈیندوں ۔ معاشی تعاون دے ودھارے تے بئے شعبیں اچ رابطے کوں مربوط کرنڑ اچ مدد ملسی ۔ تصفیہ طلب مسئلیں دا پر امن حل چاہندوں ۔ چیئرمین سینیٹ صادق سنجرانی آکھیا جو پاکستان اتے فلسطین مذہبی، ثقافتی رابطے دے نا نال اخوت دے رستے اچ گھنڈیے پن ۔ پاکستان دا فلسطین دے معاملے تے موقف واضح اے ۔ فلسطین دے عوام دی سیاسی، سفارتی اتے اخلاقی مدد جاری رکھیسوں۔ چیئرمین سینیٹ نال ملاقات اچ فلسطینی سفیر آکھیا جو مقبوضہ کشمیر اتے فلسطین دے مسئلے تے پاکستان دا کردار ہمیشہ مثالی رہیے ۔ پاکستان دے دیرینہ موقف اتے بھرپور معاونت تے پوری فلسطینی قوم شکر گزار اے۔
چیئرمین سینیٹ محمد صادق سنجرانی نال ہالینڈ اتے فلسطین دے سفیراں دی ملاقات
مضمون کا ماخذ : پاکستان کی لاٹری کی تاریخ
متعلقہ مضامین
