اسلام آباد ۔ 23 اگست (اے پی پی) وزیراعظم محمد نواز شریف آکھیا جو دہشت گردی اخیری ساہ گھندی پئی اے،بدامنی داجلدی خاتمہ تھی ویسی،اج لوڈشیڈنگ گھٹ تھی گئی اے،2018ء دا سال لوڈشیڈنگ فری دا سال ہوسی،ملک اچ سڑکاں اتے موٹرویز دا جال وچھایا ویندا پئے ،اقتصادی صورتحال چنگی تھی اے،مہنگائی گھٹ،روپیہ مستحکم ،زرمبادلہ زے ذخائر ریکارڈ سطح تے ہن ،2018ء دے انتخابات اچ ولا موقع ملیا تاں ڈی جی پی دی شرح نمو12فیصد تئیں گھن ویسوں،اساں یکا ڈوجھیاں دے مینڈیٹ دا احترام کیتے اتے ساریاں کوں نال رلا تے ٹریے ہیسے،کڈاہیں دھاندلی،ہیرا پھیری یا35پنکچر دی گالھ کائنی کیتی،دھاندلی دے الزام لاونڑ آلیاں کوں آپنڑے گریبان اچ ڈیکھنڑاں چاہیدا اے۔او منگل کوں برآمدکنندگان اچ سیلز ٹیکس ریفنڈ دے چیک ونڈنڑ دی تقریب نال خطاب کریندے پئے ہن ۔وفاقی وزیر خزانہ سینیٹر اسحاق ڈار، وزیراعظم دے معاون خصوصی برائے ریونیو ہارون اختر خان، چیئرمین ایف بی آر نثار محمد خان اتے فاق ایوانہائے صنعت و تجارت پاکستان (ایف پی سی سی آئی) دے صدر عبدالرف عالم وی تقریب نال خطاب کیتا۔
وزیراعظم محمد نواز شریف دابرآمدکنندگان اچ سیلز ٹیکس ریفنڈ دے چیک ونڈنڑ دی تقریب نال خطاب
مضمون کا ماخذ : ایڈونچر کی کتاب
متعلقہ مضامین
