اسلام آباد۔ 25فروری(اے پی پی)وزیر داخلہ چوہدری نثار علی خان آکھیا ہے جو دہشت گرداں تے انہاں دیاں تنظیماں کوں بلیک لسٹ کرنڑاں ہے ،میڈیا عوام تئیں چنگی آواز پجاونڑ اچ مدد کرے۔میڈیا عوام کوں متحرک تے پر عزم کرے ،مایوسی تے خوف کوں پرے کریندے ہوئیں عوام اچ یکجہتی پیدا کرنڑ دے حوالے نال وی میڈیا کوں اپنڑاں کردار ادا کرنڑاں چاہیدا ہے ۔ہفتے کوں اتھاں میڈیا نال گالھ مہاڑ کریندے ہوئیں انہاں آکھیا جو گزریل ساڈھے ترائے سالاں اچ سیکورٹی دی صورت حال اچ چنگائی تھی ہے اتے جون 2013دی رپورٹ دے مطابق پاکستان روزانہ چھی ،ست دھماکے تھیندے ہن اتے سال اچ تھیونڑ آلے دھماکیں دی تعداد ڈو ہزار توں ودھ ہے ۔انہاں آکھیا جو گویا پاکستان اچ ہر ڈینھ دھماکہ تھیندا ہئی لیکن کوئی خبر نہ وی جڈاں دھماکے ہوندے ہن تاں خبر بنڑدی ہئی ۔انہاںآکھیا جو گزریل سال دے دوران 2006دے بعد پہلی واری ہک ہزار توں وی گھٹ ست سو دے نیڑے دھماکے ریکارڈ کیتے گے اتے دہشت گرد کاروائیاں کوں عالمی ریکارڈ رکھنڑ آلے ادارے انہاں اعداد شمار دی تصدیق کریندے ہن ۔انہاں اآکھیا جو حکومت ولوں کیتے گے اقدامات پاروںامن دی صورت حال اچ بہتری تھی ہے ۔
دہشت گرداں تے انہاں دیاں تنظیماں کوں بلیک لسٹ کرنڑاں ہے ،میڈیا عوام تئیں چنگی آواز پجاونڑ اچ مدد کرے ،وزیر داخلہ چوہدری نثار علی خان
مضمون کا ماخذ : خلائی جنگیں
متعلقہ مضامین
