اسلام آباد ۔ 06 مارچ (اے پی پی) صدر مملکت ممنون حسین آکھیا جو کشمیر تے فلسطین دے مسئلے عوامی امنگاں دے مطابق حل تھیسن ۔ پاکستان دا اقتصادی استحکام مقبوضہ کشمیر دی آزادی دی منزل کوں نیڑے کر ڈیسی۔ صدر مملکت اے گالھ آزادجموں تے کشمیر کونسل دے وفد نال گالھ مہاڑ کریندے ہوئیں کیتی جنہاں سردار عبدالخالق ولی دی قیادت اچ انہاں نال ملا قات کیتی ۔صدر مملکت ممنون حسین آکھیا جو آزاد کشمیر دی ترقی دا سفر شروع تھی گیا ہے جیں کوں کامیاب بنراونڑ سانگے عوام کوں اپنڑاں کردار ادا کرنڑاں ہوسی ۔صدر مملکت آکھیا جو آزاد کشمیر کوں عالمی سطح تے نشابر کرنڑ سانگے پاکستان تعاون جاری رکھیسی ۔انہاں آکھیا جو پاکستان دا اقتصادی استحکام مقبوضہ کشمیر دی آزادی دی منزل کوں نیڑے کر ڈیسی ۔صدر مملکت ایں گالھ تے زور ڈتا جوآزاد کشمیر دے نینگراں کوں سائنس تے ٹیکنالوجی اتے آئی ٹی دی تعلیم دے پاسے توجہ ڈیوائی ونجے تاں جو او خطے اچ ترقی دا کردار ادا کر سگن ۔ صدر مملکت ممنون حسین آکھیا جو پاکستان دا مستقبل تابناک ہے اتے مایوسی نہ کھڈائی ونجے
کشمیر اتے فلسطین دے مسئلے عوامی امنگاں دے مطابق حل تھیسن صدر مملکت ممنون حسین دی آزاد جموں تے کشمیر کونسل دے وفد نال گالھ مہاڑ
مضمون کا ماخذ : دیگر کلیدی الفاظ
متعلقہ مضامین
