اسلام آباد ۔ 13 اکتوبر (اے پی پی) دفتر خارجہ دے ترجمان آکھیا ہے جو دہشت گردی سانجھی دشمن ہے ،سارے ملکاں کوں رل تے دہشت گردی دے خاتمے سانگے کوششاں کرنڑیاں ہوسن ۔افغانستان اچ بھارتی کردار خطے دے مفاد اچ کائنی ،انٹیلی جنس اطلاعات دی بنیاد تے پاک فوج اپریشن کیتا تے کینیڈین مغویاں کوں بازیاب کرایا ،امریکہ پاکستان تے تعاون تے کامیاب اپریشن کوں سراہیا ہے ۔امریکہ تے پاکستان امریکہ اعلیٰ سطح تے رابطے جاری رکھنڑ تے اتفاق کیتا ہے ۔پاکستان افغانستان اچ امن تے استحکام تے مصالحت سانگے کوششاں جاری رکھیسی ۔انسانی حقوق دے علمبردار مق??وض?? کشمیر اچ بھارتی ظلم دا نوٹس گھنن ۔اے گالھیں دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ دے دوران صحافیاں دے مختلف سوالاں دا جواب ڈیندے ہوئیں آکھیا ۔ترجمان کینیڈین مغویاں دی بازیابی متعلق ہک سوال دا جواب ڈیندے ہوئیں آکھیا جو انٹیلی جنس اطلاعات ت?? پاک فوج کینیڈین خاندان کوں بازیاب کرایا ہے ۔انہاں آکھیا جو انٹیلی جنس اطلاعات دے ویلھے نال تبادلے کوں یقینی بنڑایا ویسی تاں دہشت گرداں دے خلاف موثر کاروائی ممکن ہے ۔امریکہ پاک فوج دے تعاون تے مغویاں دی باحفاظت بازیابی کوں سراہیاہے ۔ترجمان آکھیا جو حال اچ ہی اعلیٰ سطح امریکی وفد دا دورہ پاکستان ،نیو یارک اچ وزیراعظم شاہد خاقان عباسی تے ا??ریکی نائب صدر مائیک پنس تے گزریل ہفتے واشنگٹن اچ وزیر خارجہ خواجہ آصف دی اپنڑے ا??ریکی ہم منسب ریلس ٹیلرسن نال ملاقاتاں دا تسلسل ہے ۔پاکستان امریکی حکام کوں ملاقات اچ واضح کیتا ہے جو دہشت گردی سانجھی دشمن ہے تے ہک سانجھا مسئلہ ہے ۔مق??وض?? کشمیر متعلق ہک سوال دا جواب ڈیندے ہوئیں ترجمان آکھیا جو کشمیریاں دا جھیڑا پرانڑاں تے ستر سالاں توں حل طلب مسئلہ ہے ۔مسئلہ کشمیر کوں حل کرنڑاں اقوام متحدہ دی ذمے وا??ی ہے ۔مق??وض?? کشمیر اچ بھارتی ظلم انسانی حقوق دیاں خلاف ورزیاں تے عالمی برادری تے خاص طور تے ا??سانی حقوق دے علمبردار اں دی خاموشی معنی خیز ہے ۔عالمی برادری ایندا نوٹس گھنے ۔
دہشت گردی سانجھی دشمن ہے ،اگر انٹیلی جنس اطلاعات دے ویلھے نال تبادلے کوں یقنی بنڑایا ونجے تاں دہشت گرداں دے خلاف کاروائی ممکن ہے ،افغانستان اچ بھارتی کردار خطے دے مفاد اچ کائنی ،انسانی حقو ق دے علمبردار مقبوضہ کشمیر اچ بھارتی ظلم دا نوٹس گھنے،دفتر خارجہ
مضمون کا ماخذ : números dupla sena
متعلقہ مضامین
