اسلام آباد 26 اپرېل (اے پي پي) وفاقي کابينې بلوچستان كښې د نشه اي توكو مقدمې ترسره كولو لپاره د خاص اضافي عدالت جوړولو ٬ د افغان كډوالو د پروف آف رجسټرېشن كارډز موده كښې تر 30 جون كال 2024 د پرختيا كولو منظوري وركړېه دا كارډز هولډرز به په پاكستان كښې په سكولونو٬ بېنك كهاتو او د نورو سهولتونو څخه ګټه پورته كولې شي او كابينې د پي آئي اے په نجكارۍ كښې د سپېځلتيا عنصر ته د مركزي اهميت وركولو امر هم وكړو۔ د وزيراعظم آفس ميډيا ونګ لخوا د جاري خبر پاڼې له مخئ د جمعې په ورځ د وزيراعظم محمد شهباز شريف په مشرۍ كښې د وفاقي كابينې غونډه وشوه٬ وفاقي كابينې د قانون او انصاف وزارت په سفارش بلوچستان كښې د نشه اي توكو د مقدمو ترسره كولو لپاره په مكران ډويژن كښې د اضافي خاص عدالت جوړولو منظوري وركړه او د دې خاص عدالت د كار دائره به تر ضلع پنجګور، کيچ، ګوادر، حب او لسبيله پراخه وي۔ کابينې امر وكړو چې په خاص عدالت كښې دې د ښه شهرت ججز تعينات كړے شي او د استغاثه عمل دې لا موثره كړے شي۔ وفاقي کابينې د سيفران ډويژن په سفارش د افغان كډوالو د پروف آف رجسټرېشن (پي او آر) کارډز په معياد كښې د اپرېل وړومبۍ نيټې څخه تر 30 جون كال 2024 د پراختيا منظوري هم وركړه چې له مخې به ئې دا كارډز لرونكې په پاكستان كښې په سكولونو٬ بېنك كهاتو او د نورو سهولتونو څخه ګټه پورته كولې شي، او پي آو آر كارډ لرونكې به په غېر قانوني توګه په پاكستان كښې مېشته د غېر ملكي وګړو هېواد ته د ستنولو پروګرام په درېم پړاٶ كښې خپل وطن ته استولې شي٬ ادغسې شناختي سندونه نه لرونكې غېر ملكيان وطن ته د لېږلو وړومبے پړاٶ روان دے۔ دغسې د نجكارۍ لپاره وفاقي سېکرتري كابينه د پي آئي اے د نجكارۍ په عمل كښې د اوسني پېشرفت نه خبر كړه۔ کابينې ته ووئيل شول په دې لړ كښې د اپرېل په دوېمه نيټه په قامي او نړيوالو ورځپاڼو كښې اشهارات شائع كولو سره خوښي لرونكو ته بلنه وركړې شوې او د مئي درېمه نيټه به وروستۍ وي او تر اوسه يو شمېر كمپنو د پي آئي اے په نجكارۍ كښې خوښي څرګنده كړې ۔ کابينې د پي آئي په نجکارۍ كښې د سپېځلتيا عنصر ته د مركزي اهميت وركولو امر هم وكړو۔ په دې موقع د ايوي اېشن سېكرټري كابينه ته په پاكستان كښې د هوائي اډو په خاص توګه لاهور او كراچۍ كښې د سهولتونو د بهترۍ د اوسنو اقداماتو په اړه بريفنګ وركړو۔ کابينې ته ووئيل شول په هوائي اډو كښې سروسز كاٶنټرز زيات كړې شوي او د سهولتونو لا بهترۍ لپاره كار روان دے۔ غونډې ته ووئيل شول د زراعت په څانګه كښې د ډرون ټيکنالوجۍ استعمال لپاره ټولو شراكتدارو سره د ډرون پاليسۍ په اړه مشاورت په حتمي پړاٶ كښې دے او ډېر زره به كابينې ته منظورۍ لپاره وړاندې كړې شي۔ وفاقي کابينې په انسټيټيوټ آف کاسټ اينډ مينجمنټ اکاؤنټنټس آف پاکستان (آئي سي اېم اے پي) بورډ كښې په څلورو چوكو د غړو د تعيناتۍ منظوري هم وركړه۔دغسې وفاقي کابينې لېجسلېټو كېسز لپاره د كابينه كمېټۍ د اتلسم اپرېل كال 2024 په غونډه كښې د پرېكړو هم توثيق وكړو۔
د وزيراعظم محمد شهباز شريف په مشرۍ كښې د وفاقي كابينې غونډه، بلوچستان كښې د نشه اي توكو مقدمې ترسره كولو لپاره د خاص اضافي عدالت جوړولو٬ د افغان كډوالو د پروف آف رجسټرېشن كارډز موده كښې د پراختيا منظوري
مضمون کا ماخذ : پریمیوس لوٹومینیا
متعلقہ مضامین
