اسلام آباد ۔ 5 اگست (اے پی پی) وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو اسلامی تعاون تنظیم (او آئی سی) دا بھارتی ظلم دے خلاف مظلوم کشمریاں نال اظہار یکجہتی عالمی برادری کیتے پیغام اچے جو او کشمیر دے جھیڑے دے حل کیتے وختی تے موثر کردار ادا کرے۔سنوار کوں سماجی رابطیں دی ویب سائٹ ٹویٹر تے ہک پیغام اچ انہاں آکھیے جو او آئی سی گواہی ڈتی اے جو ایل او سی تے بھارتی فوج بے گناہ شہریاں تے ممنوعہ کلسٹر ہتھیار استعمال کر یندا پئے جیں دا اقوام متحدہ، امن پسند اتے مہذب اقوام کوں نوٹس گھننڑاں چاہیدے۔ معاون خصوصی آکھیا جو او آئی سی دی مقبوضہ جموں کشمیر دے عوام دے حق خودارادیت دی حمایت کرنڑ ظلم اتے قانون شکن بھارت دی ہک بئی شکست اے ۔انہاں آکھیے جو اساں مظلوم کشمیریاں دی حمایت دے اعادہ تے او آئی سی دا شکریہ ادا کریندوں جیں ہک واری ول دنیا کوں کشمیریاں دے جائز، قانونی اتے جمہوری حق دے پاسے توجہ کرائی اے ڈاکٹر فردوس عاشق اعوان مزید آکھیا جو کشمیریاں دا قتل عام مہذہب دنیا دا امتحان اے ۔ بھارت ظلم و جبر نال کشمیریاں دا استصواب رائے دا جمہوری حق کچل نی سگدا۔ انہاں آکھیے جو کشمیریاں دا ساتھ ڈے تے عالمی برادری کوں جمہوریت نال اپنڑی وابستگی دا عملی ثبوت ڈیونڑاں ہوسی ۔ معاون خصوصی آکھیا جو پاکستان اقوام متحدہ دی سلامتی کونسل دیاں قرارداداں دی روشنی اچ کشمیریاں دے حق خودارادیت دے حصول تئیں انہاں دی سفارتی، اخلاقی اتے سیاسی حمایت پوری قوت نال جاری رکھیسی ، بھارت کوں اے گال نی بھلنڑیں چاہیدی جو اپنڑے حق تے کھڑی قوم کوں کوئی بندوق، ظلم تے کوئی سازش ہرا نی سگدی۔
اسلامی تعاون تنظیم دا بھارتی ظلم دے خلاف مظلوم کشمیریاں نال اظہار یکجہتی عالمی برادری کیتے پیغام اے جو او کشمیر دے جھیڑے دے حل کیتے وختی تے موثر کردار اداکرے، ڈاکٹر فردوس عاشق اعوان
مضمون کا ماخذ : لاٹری کے نتائج
متعلقہ مضامین
