اسلام آباد ۔ 17 دسمبر (اے پی پی) صدر مملکت ممنون حسین آکھے جو سمندر اتے آبی گزر گاہیں پاکستان دی طاقت ہن اتے پاکستان ایندے توں فیدہ چاونڑاں جانڑدا ہے ۔سمندری تجارت دے فروغ دے کیتے فنی صلاحیت اُتے بھر پور توجہ ڈتی ہے ۔ صدر مملکت اے گالھ کراچی اچ پاکستان میرین اکیڈمی دے ترونجھویں (53) دستے دی پاسنگ آو ¿ٹ پریڈ نال خطاب کریندے ہوئیں آکھے ۔ ایں موقعے تے وفاقی وزیربرائے پورٹس اینڈ شپنگ میر حاصل بزنجو، وفاقی سیکریٹری برائے پورٹس اینڈ شپنگ خالد پرویز، کمانڈنٹ پاکستان میرین اکیڈمی کموڈور اکبر نقی وی موجودہن ۔ صدر مملکت آکھیا جو دنیا اچ او طاقتاں سر چاءسگدیاں ہن اتے آپ دے قومی مقاصد پورے کرسگدیاں ہن جیہڑے جو آپنڑیں جغرافیے اتے وسائل کوں قوم دی ترقی اتے خوش حالی کیتے دانش مندی نال استعمال کریندیاں ہن ۔ انہاں آکھیا جو اساڈا ملک اتے اے خطہ آزمائشاں توں لنگھنڑ دے بعد سیاسی، اقتصادی اتے دفاعی استحکام دے شعبیاں اچ ہک بھرپور اڑان کیتے تیار ہے ، جیندے اچ ساکوں چین دا تعاون ہے۔صدر مملکت آکھیا جو پاک چین اقتصادی راہداری تعمیر تے ترقی دے شعبہ اچ ہک عظیم انقلاب دا پیش خیمہ ثابت تھیسی ۔ پاک چین اقتصادی راہداری منصوبے مغربی چین کوں گوادر نال ملا ڈتے ،جیندے نال دنیا دا ہک وڈا حصہ ایں خطے نال جڑ گئے ۔ صدر ممنون حسین آکھے جو اقتصادی راہداری دے روٹ اچ ہک انچ دی وی تبدیلی کائنی کیتی گئی ۔ ایں منصوبے نال وسط ایشیا دیاں ریاستاں وی فیدہ چاونڑ دی منصوبہ بندی کریندیاں پن۔ صدر مملکت آکھیا جو پاکستان میرین اکیڈمی دے ذمہ داراں مختصر عرصے اچ قابل قدر کم کیتے جو اساڈے نینگراں دی پیشہ ورانہ تربیت کوں بیا چنگا بنڑاونڑ اچ مدد ڈیسی ۔ انھاں آکھیا جو ماضی دے مقابلے اچ پاکستان میرین اکیڈمی توں فارغ التحصیل تھیونڑآلے افسراں دیاں ذمہ داریاں اچ بیا ودھارا تھی گئے ۔ صدر مملکت ایں موقعے تے پاسنگ آوٹ پریڈدا معائنہ کیتا اتے نمایاں کارکردگی دا مظاہرہ کرنڑآلے کیڈٹس کوں اعزازات وی ڈتے ۔
صدر مملکت ممنون حسین دا کراچی اچ پاکستان میرین اکیڈمی دے ترونجھویں (53) دستے دی پاسنگ آوٹ پریڈ نال خطاب
مضمون کا ماخذ : loteria estadual
متعلقہ مضامین
