اسلام آباد ۔ 11 دسمبر (اے پی پی) وفاقی وزیر داخلہ پروفیسر احسن اقبال آئی جی اسلام آباد سلطان اعظم تیموری کوں ہدایت کیتی ہے جو اسلام آباد پولیس کوں باقی صوبیاں سانگے مثال بنڑایا ونجے، اسلام آباد اچ ایماندار اتے پیشہ وارانہ صلاحیتاں رکھنڑ آلے افسراں کوں لاتا ونجے اتے وفاقی دارالحکومت اچ منشیات دے خلاف کریک ڈاون ودھایا ونجے۔ انہاں خیالیاں دا اظہار انہاں سونوار کوں آئی جی اسلام آباد نال ملاقات دے دوران کیتے۔ وزیر داخلہ آئی جی اسلام آباد کوں ہدیت کیتی جو ماڈل پولیس سٹیشن پراجیکٹ تے عملدرآمد دی رفتار تکھی کیتی ونجے۔ انہاں آکھے جو اینٹی ریاٹ پولیس دی بھرتی وختی کیتی ونجے، ٹریفک پولیس دے ذریعے ہیلمٹ اتے سیٹ بیلٹ دی پابندی یقینی بنڑائی ونجے۔ وزیر داخلہ آکھے جوپولیس اہلکار عام لوکاں توں اخلاق نال پیش آونڑ اتے ایس ایچ اوز دی لیڈرشپ ٹریننگ کرونڑ دے نال نال لیڈی ایس ایچ اوز دی تقرری کر تے انہاں دی حوصلہ افزائی کیتی ونجے۔
ماڈل پولیس سٹیشن پراجیکٹ تے عملدرآمد دی رفتار تکھی کیتی ونجے وفاقی وزیر داخلہ پروفیسر احسن اقبال دی آ ئی جی اسلام آباد کوں ہدیت
مضمون کا ماخذ : لاٹری ایپ کی تجزیات
متعلقہ مضامین
