اسلام آباد۔10جون(اے پی پی)وزیراعظم عمران خان قوم دے ناویں اپنڑے سنیہے اچ آکھیے جو او اثاثے ظاہر کرنڑ دی سکیم اچ حصہ گھن تے ملک کوں معاشی مسلیاں توں کڈھنڑ اچ اپنڑا ہتھ ونڈاون۔انہاںا ٓکھیے جو ملک دا قرضہ چھ ہزار ارب روپے توں ودھ تے تریہہ ہزار ارب روپے تئیں پج چکیے،جیہڑا اساں سالانہ ٹیکس کٹھا کریندے ہیں او صرف چار ہزار روپے اے جیندے اچوں ڈو ہزار روپے پچھلی حکومتاں ولوں گھدا گیا قرض لہاونڑ تے خرچ تھی ویندے،باقی بچدے پیسے نال ملک اخراجات پورے تھیندن ناں معیشت ہتھیں راہندی اے۔ وزیراعظم عمران خان آکھیے جو حکومت کولوں ٹیکس بچاونڑ آلیاں بارے جیہڑیاں معلومات ہین او پہلے کہیں وی حکومت کولو کائنا ہن، 30جون اثاثے ظاہر کرنڑ دی سکیم توں فیدہ چاونڑ دی چھیکڑی تاریخ اے،لوکاں توں اپیل اے جو او اثاثہ جات ظاہر کرننڑ کیتے شروع کیتی گئی حکومت دی ٹیکس ایمنسٹی سکیم اچ ودھ تے حصہ گھنن،اپنڑے بے نامی اثاثے، بے نامی بنک اکاو ¿نٹ ظاہر کرن اتے بیرون ملک پیسہ ولا اپنڑے وطن گھن تے آون ۔انہاں آکھیے جو اے موقع اے جو اساں اپنڑے ملک کوںاپنڑے پیریں تے کھڑا کروں،پاکستانی قوم او لوک ہین جیہڑے پورے جگ اچ سب توں ودھ خیرات ونڈیندن بھل ٹیکس ڈیونڑ توں کڈھویندن،اے او قوم اے جیندے اچ بہوں ودھ صلاحیت اے جیکر جذبہ ہووے تاں ٹیکس کٹھا کرنڑ اتے قرض توں جان چھڑاونڑکوئی اوکھا کائنی۔
