اسلام آباد ۔ 24 مئی (اے پی پی) وفاقی وزیر برائے منصوبہ بندی ترقی تے اصلاحات مخدوم خسرو بختیارآکھیا جو ودھ توں ودھ رابطےاں نال علاقائی اقتصادی تعاون دی حوصلہ افزائی تھیسی،کاسا1000-نال پاکستان کوں توانائی دی لوڑھ پوری کرنڑ اچ مدد ملسی،ایں منصوبے کوں ویلھے تے پورا کرنڑ پاکستان دی ترجیح اے۔اے گالھ انہاں جمعے کوں تاجکستان دے سفیر عصمتلو نصرالدین نال ملاقات اچ گالھ مہاڑ کریندیں ہوئیں آکھی۔ملاقات اچ سیکرٹری پلاننگ ظفر حسن اتے وزارت دے اعلیٰ حکام وی شرکت کیتی۔ مخدوم خسرو بختیار ’ چین، قزاخستان، کرغزستان اتے پاکستان وچال قزاخستانی ٹریفک ٹرانسمیشن دے معاہدے اچ تاجکستان دی شمولیت دی تعریف کیتی اتے آکھیا جو اے ڈو ملکاں اچ متبادل تجارتی روٹ ڈیسی۔ایں موقع تے تاجک سفیر آکھیا جو انہاں دا ملک تجارت اتے توانائی دے شعبیاں سمیت پاکستان نال ڈو پاسہ تعاون کوں ودھاونڑ دا پرعزم اے۔
کاسا1000-نال پاکستان کوں توانائی دی لوڑھ پوری کرنڑ اچ مدد ملسی، ،وفاقی وزیر منصوبہ بندی ترقی تے اصلاحات مخدوم خسرو بختیار دی تاجکستان دے سفیر نال ملاقات اچ گالھ مہاڑ
مضمون کا ماخذ : را کی کتاب
متعلقہ مضامین
