اقوام متحدہ ۔ 19 دسمبر (اے پی پی) اقوام متحدہ دی جنرل اسمبلی کشمیریاںدے حق خود ارادیت اتے بھارتی تسلط توں آزادی کیتے انہاں دی جدو جہد کوں ہک واری ول قانونی جواز دی فراہمی تے مبنی پاکستانی قراداد دی منظوری ڈے ڈتی اے ۔پاکستان سمیت 81 ملکاں دی سپانسر کیتی گی قرار داد اچ دنیا دے مختلف ملکاں کوں آکھیا گے جو او ڈوجھے ملکاں تے علاقیں اچ قبضے تے اتھاں فوجی مداخلت وختی ختم کرن ، جبر تے امتیازی سلوک تے لوکاں نال بدسلوکی وختی مکاونڑ دا مطالبہ کیتا گے ۔ قرارداد دے مسودے دی منظوری 193رکنی جنرل اسمبلی دی سماجی، انسانی اتے ثقافتی امور متعلق تریجھی کمیٹی گزریل مہینے ڈتی ہئی ۔قرارداد دی منظوری نال اقوام متحدہ دی جنرل اسمبلی ہک واری ول ایں عزم دا اعادہ کیتے جو سارے لوکاں دے حقوق بشمول نوآبادیاتی تے غیر ملکی تسلط اچ رہنڑ آلیں دا حق خود ارادیت انسانی حقوق دی موثر ضمانت تے بنیادی شرط ہوسی ۔اقوام متحدہ اچ پاکستان دے مستقل مندوب منیر اکرم قرار داد دی منظوری دے بعد ”اے پی پی“ نال گال مہاڑ کریندے ہوئیں آکھیے جو اپنڑے ناقابل تنسیخ حق خود ارادیت تے مبنی کشمیریاں دی غیر ملکی تسلط توں آزادی دی جدوجہد دے قانونی جواز دی توثیق اقوام متحدہ دے فورم تے کشمیریاں دا مقدمہ لڑنڑ تے انہاں دے مصائب کوں اجاگر کرنڑ دے عزم دے تحت چاتے گے پاکستان دے اقدامات دا حصہ اے ۔
اقوام متحدہ دی جنرل اسمبلی اچ کشمیریاں دے حق خود ارادیت اتے بھارتی تسلط توں آزادی کیتے انہاں دی جدوجہد کوں ہک واری ول قانونی جواز دی فراہمی تے مبنی پاکستانی قرار داد دی منظوری
مضمون کا ماخذ : کمپیوٹر لاٹری انعامات
متعلقہ مضامین
