تربیلا۔12اگست (اے پی پی):وزیر اعظم عمران خان آکھیے جو ملک اچ ماحول دوست بجلی پیدا کرݨ دی کوشش کریندے پیوں 10 سالاں اچ 10 نویں ڈیم بݨیسوں ، مہمند ڈیم 2025 اتے بھاشا ڈیم2028 اچ مکمل تھی وی??ی جݙاں تئیں ڈیم نہ بݨسن اساں پاݨٰی کوں ذخیرہ نی کرسڳدے، وزیر اعظم اے ڳال خمیس کوں تربیلا 5 توسیعی منصوبے دا ??نگ بنیاد رکھݨ دی تقریب توں خطاب کریندے ہوئیں آکھی اے ، انہاں آکھیے جو کوشش اے جو 2030 تئیں پاکستان اچ ماحول دوست بجلی بݨے، تربیلا دے توسیعی منصوبہ توں ماحول دوست بجلی پیدا ??ھیسی، موجودہ حکومت 10 سالاں اچ 10 نویں ڈیم بݨیسی جݙاں جو زیر تعمیر مہمند ڈیم 2025 اتے بھاشا ڈیم2028 اچ مکمل تھی وی??ن۔ وزیر اعظم آکھیے جو ماضی اچ بجلی کیتے مہانگے ترین معاہدے کیتے ڳئن جیں دے نتیجے اچ حکومت کوں مہانگی بجلی گھنݨی پوندی پئی اے ، حکومت پن بجلی اتے شمسی توانائی توں بجلی بݨاوݨ کیتے بھرپور کوششاں کریندی پئی اے ۔ انہاں آکھیے جو پوری دنیا اچ موسمیاتی تبدیلیاں دا مسئلہ درپیش اے جیں پاروں دنیا دا موسم تکھے گرم تھیندا پئے ، جیکب آباد ای?? ویلھے گرم ترین علاقہ اے، جنگلات اچ پہلے ایں طرح بھاہ نہ لڳدی ہئی جیویں ہݨ لڳدی اے ، روس، ترکی اتے یونان اچ ایں طرح بھاہ لڳی ہوئی اے جیویں انسانی تاریخ اچ کݙاہیں نی لڳی ، ایندے توں پہلے ایجھے سیلاب نہ آندے ہن جیویں ہݨ آندے پئن ، چین دنیا اچ تکھیے اڳوں ودھدا پئے ، چین مستقبل دی قبل از وقت منصوبہ بندی کریندے ، مستقبل کیتے ویلھے توں پہلے منصوبہ بندی دی لوڑھ اے ، انہاں آکھیے اساں ایجھی بجلی بݨیسوں جیں توں گلوبل وارمنگ تے اثر نہ پووے، وزیراعظم آکھیے جو تربیلا دے توسیعی منصوبہ توں تربیلا ڈیم دی زندگی لمبی تھی وی??ی ، صرف 4 میل پرے مٹی اے جیڑھی جو ڈیم اچ بھرویندی اے ، توسیعی منصوبہ توں ڈیم اچ آوݨ آلی مٹی کوں فلش کرݨ اچ مدد مل وی??ی ، داسو اتے بھاشا ڈیم دا وقت تے بݨݨ ضروری اے کیوں جو ایندے توں تربیلا ڈیم اچ مٹی دا ??ھرݨ گھٹ تھی وی??ی ۔ وزیر اعظم ایں ڳال تے افسوس دا ??ظہار کیتے جو اساں پہلے انہاں چیزاں دا نی سوچیا ، بھاشا ڈیم بݨاوݨ دا فیصلہ 1984 اچ تھیا ہئی ،انہاں سوال کیتے جو کیا ماضی اچ کہیں اچ پرے دی سوچ کائناں ہئی ۔ اتھاں اے امر قابل ذکر اے جو تربیلا ڈیم دا پنجواں توسیعی منصوبہ 807 ملین ڈالرز دی لاگت توں تعمیر کیتا ویندا پئٖ جیں کیتے عالمی بنک اتے ایشین انفراسٹرکچر انویسٹمنٹ بنک منصوبے دی تعمیر کیتے مالی معاونت ݙیندے پئن ، اے منصوبہ 3 سال دی گھٹ مدت اچ 2024 تئیں مکمل کر ڳھدا وی??ی ۔
ملک اچ ماحول دوست بجلی پیدا کرݨ دی کوشش کریندے پیوں ، مہمند ڈیم 2025 اتے بھاشا ڈیم 2028 اچ مکمل تھی ویسی ، وزیر اعظم عمران خان
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
