اسلام آباد ۔ 20 مئی (اے پی پی)پاکستان اتے جاپان کھیڈاں دے ودھارے اتے سیاحت دے حوالہ نال تعاون ودھاونڑ تے اتفاق کیتے۔ یہ اتفاق گزریل ڈینھ وفاقی وزیر بین الصوبائی رابطہ ڈاکٹر فہمیدہ مرزا نال جاپانی سفیر کونینوری متسودا دی ملاقات دوران طے پاتا۔ ملاقات اچ سانجھی دلچسپی دے امور سمیت کھیڈاں اتے سیاحت دے حوالے نال گالھ مہاڑ کیتی گئی ۔ ایں موقع تے وفاقی وزیر ڈاکٹر فہمیدہ مرزا آکھیا جو پاکستان جاپان دے نال تعلقات کوں وڈی اہمیت ڈیندے ،پاکستان کھیڈ اتے سیاحت سمیت بئے شعبیں اچ تعاون ودھاونڑ داخواہشمند ہے۔ انہاں آکھیا جو ڈوہائیں ملکاں وچال تعلقات کوں بیا پکا کرنڑ سانگے آپس اچ تعاون ودھاونڑ ضروری ہے، ڈوہائیں ملکاں وچال ہر سطح تے وفود دا تبادلہ تھیونڑ چاہیدے۔
مضمون کا ماخذ : sorteos da loteria
