فیصل آباد ۔ 19 نومبر (اے پی پی) پوری دنیا دے بئے ملکاں وانگوں اج پاکستان اچ وی اج بالاں دا عالمی ڈینھ منایا ویسی ۔ایں موقع تے پورے ملک دے سارے چھوٹے وڈے شہراں اچ مختلف سرکاری ،نیم سرکاری تنظیماں ،وڈے ایجوکیشنل گروپ ،بالاں دے حقوق کیتے کم کرنڑ آلی این جی اوز دے زیر اہتمام ورکشاپاں ،سیمینار ،کانفرنساں ،مذاکراے کرائے ویسن جیں اچ گھٹ عمر دے بالاں دی جبری مشقت ، معاشرے دے نظر اندازشدہ اتے کجھ مخصوص حالات اچ گھریلو ناچاقی داشکار اتے بے وسائل بالاں دے حقوق انہاں دی فلاح بہبود کیتے عوامی شعور جگاونڑ دی ضرورت تے زور ڈتا ویسی ۔ایں حوالے نال ماہرین ڈسائے جو اقوام متحدہ دی جنرل اسمبلی دی منظوری توں 1989ءاچ بالاں دے حقوق دے ڈیکلریشن دے اعلان دی روشنی اچ مذکورہ ڈینھ پاکستان سمیت اقوام متحدہ دے سارے 191 ممبر ملکاں اچ ہر سال 20نومبر کوں چنگے طریقے نال منایا ویندے ۔
پاکستان اچ بالاں دا عالمی ڈینھ اج چنگے طریقے نال منایا ویسی
مضمون کا ماخذ : مصر کی میراث
متعلقہ مضامین
