سینیٹ توں ملنڑ آلی 139سفارشات اچوں86سفارشاں کوں کلی یا جزوی طور تے منظور کر گھدا گئے،سرکاری ملازماں کوں 2015-16ء اچ ڈتا ونجنڑ آلا 7.5فیصد ایڈہاک ریلیف بنیاد تنخواہ اچ ضم کیتا ویندا پئے ، وفاقی وزیر خزانہ سینیٹر اسحاق ڈار

اسلام آباد ۔17 جون(اے پی پی ) وفاقی وزیر خزانہ سینیٹر اسحاق ڈار آکھیا جو سینیٹ توں ملنڑ آلی 139سفارشات اچوں86سفارشاں کوں کلی یا جزوی طور تے منظور کر گھدا گئے،سرکاری ملازماں کوں 2015-16ء اچ ڈتا ونجنڑ آلا 7.5فیصد ایڈہاک ریلیف بنیاد تنخواہ اچ ضم کیتا ویندا پئے ،آندے مالی سال دے بجٹ اچ 3ایڈہاک ریلیف بنیادی تنخواہواں اچ ضم ہوسن،جیڑھے اعدادوشمار پیش کیتے گئن او مستند ہن ،حکومت دی پالیسیاں نال افراط زر اچ نمایاں حد تئیں واقع تھی اے،باہرلے قرضے گزریل دور دی نسبت بہوں گھٹ ہن ،ارکین اسمبلی دی تنخواہواں اچ ودھارے بارے وزیر اعظم دی وطن واپسی تے فیصلہ کیتا ویسی،کھاداں تے سیلز ٹیکس اچ گھٹکی دے نفاز تے صدر مملکت ولوں فنانس بل تے دستخط دے نال عملدرآمد تھی ویسی۔جمعہ کوں قومی اسمبلی دے اجلاس اچ وفاقی وزیر خزانہ سینیٹر اسحاق ڈار دا قومی اسمبلی اچ آندے مالی سال دے بجٹ تے بحث نبڑیندیں ہوئیں گالھ مہاڑ کریندیں ہوئیں آکھیا جو بجٹ دے قومی معیشت تے ڈو رس اثرات مرتب تھین ۔بجٹ پالیسی اچ اراکین دی تجویزاں تے تبدیلیاں کریندے رہندے ہیسے۔انہاں آکھیا جو پاکستان مسلم لیگ(ن) دی حکومت نواز شریف دی رہنمائی اچ وسیع تر اتفاق رائے پیدا کرنڑ سانگے ترائے سالیں ا چ کوششاں کیتن ۔وزیر خزانہ آکھیا جو بجٹ اچ انفرادی تجاویز تے گالھ ممکن کائنی۔انہاں آکھیا جو 139سفارشاں ملین جنہاں اچ 34پوری،30اصولی اتے11تجویزاں کوں جزوی طور منظور کر گھدا گئے ۔53تے فوری عمل ممکن کائنی ۔ایوان بالا دی 62فیصد سفارشات منظور کر گھدی اے۔قائد حزب اختلاف ولوں میثاق معیشت تے اتفاق تے انہاں دے شکر گزار ہن ۔انہاں آکھیا جو حکومت دی ترائے سالہ کارکردگی اتے بجٹ اچ ڈتی گئی مراعات نال مہنگائی دے بارے گالھیں صحیح کائنی۔2008ء اچ افراط ز25فیصد ہا۔2013ء تئیں اوسطاً12فیصد رہا۔ہنڑ ترائے فیصد توں گھٹ اتے قیمتاں اچ استحکام اے۔اساں مسلسل ایجھی کامیابیاں اپنائن جنہاں نال مہنگائی دی شرح گھٹ اے۔حکومت تجارتی خسارہ کوں ترائے سال دے عرصے اچ4.3فیصد دی سطح تے گھن آئی اے۔آندے مالی سال اچ اینکوں 3.8فیصد تئیں گھن امسوں۔حکومت کسان دی پیداواری لاگت گھٹ کرنڑ سانگے اقدامات کیتن ۔اسحاق ڈار آکھیا جو ٹیکساں اتے ڈیوٹی اچ گھٹکی ،کرم کش ادویات اچ گھٹکی سمیت دیہی معیشت سانگے کئی اقداما ت کیتے گئن ۔انہاں آکھیا جو شرح نوع بارے جیڑھے طریقہ اختیار کیتا گئے او کئی دہائیان توں چلدا پئے۔ جی ڈی پی 4.1فیصد رہی جیڑھی جو اٹھ سال اچ ودھ اے حالانکی کاٹن دی فصل کوں ضیان تھیے۔انہاں آکھیا جو کے پی کے اچ صحت دی سہولتاں بہتر بنڑاونڑ،جدید سفری سہولتاں دے نال نال آزاد کشمیر اتے گلگت بلتستان اچ ایں شعبے تے کم تھیندا پئے ۔انہاں آکھیا جو پٹرولیم مصنوعات تے ٹیکس بارے شرح زیادہ کرنڑ دا تاثر ڈتا ویندا پئے جیڑھا جو غلط اے۔