اسلام آباد ۔ 23 اگست (اے پی پی) وزیر خارجہ شاہ محمود قریشی جمعہ کوں اپنڑے جاپانی ہم منصب تارو کونو نال ٹیلیفون کیتا اتے مقبوضہ کشمیر دی صورتحال بارے ڈسایا۔ایں دوران گالھ مہاڑ کریندے ہوئیں وزیر خارجہ آکھیا جوبھارت مقبوضہ جموں و کشمیر اچ یکطرفہ طور تے آبادی دے تناسب کوں بدلنڑ چاہندے۔انہاں آکھیا جومقبوضہ وادی اچ صورتحال اتنی تشویشناک ہے جو جینوسائیڈ واچ ”جینو سائیڈ الرٹ“ جاری کر ڈتے۔ شاہ محمود قریشی آکھیا جو مقبوضہ جموں و کشمیر اچ 9 لکھ بھارتی فوجیاں دی موجودگی ایں گالھ دا ثبوت ہے جو بھارت مقبوضہ جموں و کشمیر اچ خون دی ہولی کھیڈنڑ چاہندے۔ انہاں آکھیا جو جاپان نہتے کشمیریاں کوں بھارتی بربریت توںبچاونڑ اتے خطے اچ امن و استحکام سانگے اپنڑاں کردار ادا کرے۔جاپانی وزیر خارجہ آکھیا جو اوہ ساری صورتحال تے گھاٹی نظر رکھے ہوئے ہن، جاپان انسانی حقوق دی پاسداری اتے قنون دی حکمرانی تے یقین رکھیندے۔
جاپان نہتے کشمیریاں کوں بھارتی بربریت توں بچاونڑ اتے خطے اچ امن و استحکام سانگے اپنڑاں کردار ادا کرے وزیر خارجہ شاہ محمود قریشی دی اپنڑے جاپانی ہم منصب تارو کونو نال ٹیلیفون تے گالھ مہاڑ
مضمون کا ماخذ : کمپیوٹر لاٹری
متعلقہ مضامین
