اسلام آباد۔1جون(اے پی پی)وزیراعظم دے معاون خصوصی برائے صحت ڈاکٹر فیصل سلطان آکھیے جو سوکھ ہر اوکھ اچوں ہی نکلدے، اڄ کرونا دے اوکھے ھالات جیوݨ دا نواں ݙھالا ݙت??، کرونا توں بچݨ کیتے پاکستان وݙی سائنسی اتے صحت دے شعبہ اچ پیش رفت ݙکھاعی ا??، کرونا نال نبݨم دے آلات، وینٹی لیٹر اتے اوندے بعد آپ کرونا ویکیسن بݨاوݨ دی وی تاریخی کامیابی ڳھدی اے۔ اے ڳالھ انہاں پاک ویک ویکسین دی لانچنگ تقریب نال خطابا چ آکھی۔ انہاں آکھیے جو چین دے ونݙارے نال خام مال توں ویکسین بݨݨ ہک کامیابی اے جیندے اچ کوالٹی ایشورنس اتے معیار دا خیال رکھیا ڳئے، امید اے “پاک ویک” دی مکمل پیداوار کڄھ سال تئیں پاکستان اچ تھیسی، ایندے تے این آئی ایچ دا کردار قابل تعریف اے۔ تقریب نال چینی سفیر نونگ رونگ وی خطاب کیتے۔ تقریب نال میجر جنرل عامر اکرام ایگزیکٹو ڈائریکٹر این آئی ایچ خطاب کریندے آکھیے جو این آئی ایچ پاکستان اچ پہلی واری ویکیسن مینوفیکچرنگ پلانٹ بݨائے، اساں کین سائینو بائیو دا چین نال ٹرائلز اچ حصہ ڳھدے اتے کمپنی نال ٹیکنالوجی ٹرانسفر دا معاہدہ وی کیتے۔ پاکستان اچ “پاک ویک” دی 1 لکھ 80 ہزار ڈوزز تیار ہین جیندا منگل توں آغاز کرݙتا ڳئے۔ پاک ویک دی لانچنگ دا افتتاڄ وفاقی وزیر اسد عمر کیتے۔
پاکستان دی اپݨی تیار اتے پیک کردی کرونا ویکسین ” پاک ویک” جاری کر ݙتی ڳئی
مضمون کا ماخذ : ہیوگو 2
متعلقہ مضامین
