اسلام آباد۔18 نومبر(اے پی پی )وفاقی وزیر اطلاعات و نشریات چوہدری فواد حسین آکھیے جو پاکستان تحریک انصاف دی حکومت ملکی معاشی استحکام کیتے ہر کوشش کریندی پئی اے، گذریل حکومت دیاں غلط پالیسیاں ملکی معیشت دی حالت ونجائی اے، پی ٹی آئی حکومت اقتصادی ترقی کیتے ڈینہہ رات کم کریندی پئی اے، اج حالات پہلے توں مختلف ہین،عوام کوں ودھ توں ودھ سوکھ ڈتا ویسی۔ اے گالھ انہاں ہک نجی ٹی وی کوں انٹرویواچ آکھی۔انہاں آکھیا جو پچھلی حکومت اچ ملک کون قرض دے جال اچ پھسایا گئے، ایجھے منصوبے شروع کیتے گین جیندے نال مال ملدا ہووے، قومی دولت رج تے لٹی گئی اے ، جیکر شریف برادران اتے زرداری توں لٹیا گیا پیسا ولا گھن آیا ونجے تاں ملک دا سار مالی بحران مک سگدے۔انہاں آکھیے جو پی ٹی آئی اپنڑے منشور تے عمل کریسی جو کرپٹ لوکاں دا احتساب تھیسی، لٹی دولت واپس گھن آئی ویسی،وڈے چور اتے لٹیریاں تے ہتھ پاتا ویسی، اتے کہیں وی کرپٹ کون نہ چھوڑیسوں،او تبدیلی گھن آسوں جیندا عمران خان وعدہ کیتا ہا۔چوہدری فواد حسین آکھیا جو لوکاں پی ٹی آئی کوں مینڈیٹ ڈتے اتے او ھکومت توں امیداں لائی بیٹھن، اساں انہاں کوں کڈاھیں مایوس نہ کریسوں،وزیراعظم عمران خان 29نومبر کوں 100ڈینہہ مکمل تھیونڑ تے حکومت دی کارکردگی تے قوم کوں اعتماداچ گھنسن۔انہاں آکھیا جو وزیراعلیٰ پنجاب عثمان بزدارانقلابی اقدامات کریندے پین اتے او عوام کوں مایوس نہ چھوڑیسن، بیورو کریسی اچ اکھاڑ پچھاڑ دا مقصداہم عہدیاں تے ٹھیک بندے لاونڑاے۔
پاکستان تحریک انصاف دی حکومت ملکی معاشی استحکام کیتے ہر کوشش کریندی پئی اے، وزیر اطلاعات چوہدری فواد حسین
مضمون کا ماخذ : میان میجک وائلڈ فائر
متعلقہ مضامین
