وزیراعظم عمران خان دی اپیل تے پورے ملک اچ بھرپور انداز نال مقبوضہ جموں تے کشمیر دے مظلوم عوام نال یکجہتی دا اظہار
اسلام آباد ۔ 30 اگست (اے پی پی) وزیراعظم عمران خان دی اپیل تے قوم جمعے کوں بھارتی مقبوضہ جوں تے کشمیر دے مظلوم عوام نال اظہار یکجہتی کیتی جڈاں جو وزیراعظم عمران خان وزیراعظم آفس اچ یوم یکجہتی کشمیر دے حوالے نال منعقدہ تقریب نال خطاب کریندے ہوئیں ایں عزم دا اظہار کیتے جو کشمیر دی آزادی تئیں ہر فورم تے کشمیر دی جنگ لڑساں ۔ پاک فوج پوری طرح تیار اے، اگر بھارت ولوں کوئی وی حرکت کیتی گئی تاں سلھ دا جواب پتھر نال ڈیسوں ،نریندر مودی تکبر اچ آتے جو بیٹھے ایندے بعد کشمیر آزاد تھیسی ۔۔ صدر مملکت عارف علوی ایوان صدر اچ تقریب نال خطاب کریندے ہوئیں آکھیے جو کشمیر دی تحریک آزادی کوں کہیں صورت اچ دبایا نی ونج سگدا ،پوری قوم ہک آواز تھی تے کشمیری عوام دے رلے کھڑی اے ۔پاکستانی حکومت تے عوام کشمیریاں دے نال اے ،کشمیریاں دے حقوق کہیں صورت دبائے نی ونج سگدے ۔ کشمیری عوام نال یوم یکجہتی دے حوالے نال جمعے کوں یکجہتی آور 12 وجے توں شروع تھی تے ساڈھے 12 وجے تئیں جاری رہیا جیں دے آغاز تے ملک اچ سائرن وجائے گے ۔ پاکستان اتےکشمیر دے ترانے وی وجائے گے۔ ترانے وجاونڑ دے دوران 12 وجے توں 12 وج تے 5 منٹ تئیں ساری ٹریفک رک گئی ،ریل گاڈیاں وی ہک منٹ کیتے رک گیاں ،پاکستان اچ عوام ادھ گھنٹہ کھڑے تھی تے کشمیریاں نال یکجہتی دا اظہار کیتے ۔ وزیراعظم اتے چارے وزراءاعلیٰ ارکان پارلیمنٹ دے رلے سیکرٹریٹ دے سامنڑے جمع تھیونڑ آلیں دی قیادت کیتی ۔وزیر اعظم دی کال تے نماز جمعہ توں پہلے پورے ملک اچ عوام اپنڑیاں جہیں ، دفتر دیاں عمارتاں، گھراں، مارکیٹاں، شاپنگ مالز توں باہر آتے نیڑے سڑکاں گلیاں تے پورے ملک دے ریلوے سٹیشناں تے ہوائی اڈیں تے وی کشمیری عوام نال اظہار یکجہتی کیتے ۔
کشمیر دی آزادی تئیں ہر فورم تے کشمیر کاز دی جنگ لڑساں ، پاک فوج پوری طرح تیار اے، سلھ دا جواب پتھر نال ڈیسوں، وزیراعظم عمران خان
مضمون کا ماخذ : ڈوپلا سینا
متعلقہ مضامین
