اساݙے دور اچ شروع تھیوݨ آلے 10 ڈیم 2028 اچ مکمل تھی ویسن ،وزیر اعظم عمران خان دی مہمند ڈیم دے دورے دے موقع تے میڈیا نال ڳالھ مہاڑ

مہمند۔19مئی (اے پی پی):وزیر اعظم عمران خان آکھیے جو اساݙے دور اچ شروع تھیوݨ آلے 10 ڈیم 2028 اچ مکمل تھی ویسن ،ماضی دیاں حکومتاں جلد بازی اچ معاہدے کرتے آئی پی پیز توں پیسے کمائے،پاݨی،اناج اتے ماحولیات جیہے مسئلے ڈیماں دی تعمیر نال حل تھیسن ،فوڈ سکیورٹی کیتے اساں مکمل منصوبہ گھن تے آئے ،ڈیماں دی تعمیر نال80 لکھ ایکڑ زمین سیراب تھیسی ،۔او ٻدھ کوں اتھاں مہمند اچ مہمند ڈیم دے دورے دے موقع تے میڈیا نال ڳال مہاڑ کریندے پئے ہن ۔ایں موقع تے وزیر اعلی خیبر پختونخوا محمودخان،وزیر مملکت اطلاعات ونشریات فرخ حبیب وی موجود ہن۔وزیر اعظم آکھیے اساں کیتے ساریں توں سستی بجلی پیدا کرݨ دا ذریعہ وݙے ݙیم ہن لیکن ایں پاسے توجہ نی ݙتی ڳئی ،چین اچ 80 ہزار چھوٹے وݙے ڈیم ہن،اللہ اساکوں پاݨی ݙتے پورے ملک اچ چھوٹے وݙے ڈیم بݨا سڳدوں ،اساں دیامر بھاشا اتے مہمند ݙووݙے ڈیماں سودھے 10 ڈیمز تے کم شروع کیتے ،ایندے نال سستی اتے ماحول دوست بجلی پیدا تھیسی ،ماحولیاتی تبدیلیاں اچ پاکستان ساریں توں اڳوں اے ۔انہاں آکھیے جو ڈیماں توں 80 لکھ ایکڑ زمین قابل کاشت ہوسی،آبادی اچ ودھارے توں فوڈ سیکیورٹی دامسئلہ اے،کݨک اچ خودکفیل ملک تھیوݨ دے باوجود کݨک درآمد کرݨ دا سوچ وی نہ سڳدے ہاسے لیکن کرݨی پئی ۔ انہاں آکھیے جو فوڈ سیکیورٹی دی ودھ ضرورت اے اساں دنیا کوں اناج ݙے سڳدے پاسے اساں زراعت تے توجہ ݙیندے پیوں جے اساں اقدامات نہ کیتے تاں مسئلے تھیسن ،ایں ڈیم توں پشاور کوں 300 گیلݨ پاݨی ݙیسوں۔انہاں ھک سوال دے ولدے اچ آکھیے جو ماضی اچ ٻاہروں قرضہ گھن تے پاور پراجیکٹ کمیشن کھاوݨ کیتے لاتے ویندے رہیے ،اے سوکھا طریقہ اے ۔انہاں آکھیے جو انہاں معاہدیں توں جیں لاگت تے بجلی پیدا تھیندی اے ایندے تے صارفین کوں نہ ݙے سڳدے ہاسےجے قیمتاں اچ ودھارا کریندوں تاں لوک شور مچیندن ،پاکستان اچ 50 ہزار میگاواٹ پن بجلی دی استعداد موجود اے،لیکن ایندے تے کم نی کیتا ڳیا ۔ انہاں آکھیے جو گردشی قرضے دی بنیادی وجہ پیداورای لاگت اتے فروخت دے نرخ اچ فرق اے،کیپیسٹی پیمنٹ بجلی گھنوں نہ گھنوں ادا کرݨی پوسی ، اساں 2018 اچ 480 ارب روپے ادا کیتے جیڑھے جو 2023 اچ 1455 ارب روپے تئیں پڄ ویسن ۔اے ٻہوں وݙا ٻوجھ اے اساں ڳالھ مہاڑ تے کوششاں کریندے پیوں ایندا حل کڈھوں ،آئی پی پیزنال ڳال مہاڑ اچ ایندے اچ کافی فرق پیا ۔گرمیاں اچ ترائے گنا ودھ بجلی استعمال تھیندی اے تاں ادائیگی اتنی ہی ہوندی اے جتنی سردیاں اچ ہوندی اے ، اساں انتخابی سیاست دی بجائے طویل المدتی منصوبے شروع کریندے پیوں ،ماضی اچ ووٹ گھنݨ دی سوچ ہئی جو وختی بجلی پیدا کرݨ دے مہانگے منصوبے لاؤں انہاں اچ کمیشن گھنوں آئی پیز توں کمیشن گھندے ہن ، اساݙٖے منصوبیں نال بجلی سرپلس ہوسی ۔