اسلام آباد۔1جون(اے پی پی)صدر مملکت ڈاکٹر عارف علوی اقتصادی تعاون تنظیم (ایکو) دے رکن ممالک وچال تعاون اتے روابط ودھاوݨ تے زور ݙیندے آکھیے جو ڄڳ اچ ذاتی مفادات دی بجائے انسانیت اتے اخلاقی اقدار دی حامل لیڈر شپ دی لوڑھ اے، مسلمان ممالک اپݨی معاشرت، معیشت تکڑی کر تے عالمی برادری اچ اپݨی ڄاہ بݨا سڳدن۔ اے ڳالھ انہاں اقتصادی تعاون تنظیم دی پارلیمانی اسمبلی دی ݙوڄھی جنرل کانفرنس نال خطاب اچ آکھی۔ انہاں کانفرنس اچ 6 ڈھاکیاں توں مسلم اُمہ دے مسلیاں تے الایا جو دہشتگردی اتے انتہاءپسندی وݙا چیلنج رہین، عالمی طاقتاں دے جھیڑیاں اچ ہتھ ونݙاوݨ اتے معاشرتی عدم برداشت وی مسلا بݨائے، اسلام دا منفی تشخس ودھایا ڳئے جیکوں سدھارݨ دی لوڑھ اے، مسلہ فلسطین اتے کشمیر دے حل کیتے اسلامی ملکاں دا اتحاد اہم اے، مسلمان اپݨے خلاف تعصب مکاوݨ کیتے ہک مٹھ تھیون، ایکو ممالک باہمی تعاون، روابط، علاقائی تجارت کیتے ہتھ ونݙاون۔
مسلمان ممالک اپݨی معاشرت، معیشت تکڑی کر تے عالمی برادری اچ اپݨی ڄاہ بݨا سڳدن، صدر مملکت ڈاکٹر عارف علوی
مضمون کا ماخذ : فائر جوکر
متعلقہ مضامین
