لاہور۔27اگست (اے پی پی):وفاقی وزیر داخلہ شیخ رشید احمد آکھیے جو پاکستان ہرگز قربانی دا ٻکرا نی بݨیا بلکہ افغانستان توں فوجی انخلا اچ تاریخی کردار ادا کیتے ، افغانستان توں سارے پاکستانیاں کوں وی بحفاظت کڈھ ڳھدا ڳئے جݙاں جو افغانستان توں کہیں مہاجر کوں فی الحال قبول نی کیتا ویندا پیا البتہ غیر ملکیاں خصوصا ًسفارتکاراں کوں 21 ݙینھ دا ٹرانزٹ ویزہ ݙے تے پاکستان آوݨ دی سہولت ݙتی ڳئی اے ۔ او جمعے کوں نادرا میگا سنٹر اچ پریس کانفرنس کریندے پئے ہن ۔وفاقی وزیر داخلہ آکھیے جو بذریعہ ہوائی جہاز آوݨ آلیں کیتے اسلام آباد دے ݙوہیں ائیرپورٹ کھلیے پئن ایندے علاوہ چمن اتے طورخم بارڈر وی پیدل کراسنگ کیتے کھلیے پئن ، تفصیلاتموجب ہݨ تئیں 15 سو لوک ہوائی جہاز دے ذریعے جݙاں جو چوݙاں سو 80 لوک پیدل بارڈر کراس کر تے آ چکئن تے پاکستان توں افغانستان ونڄݨ آلیں دی تعداد 12 سو اے ۔ وفاقی وزیر داخلہ کابل دھماکیں دی مذمت کریندے ہوئیں آکھیے جو ہندوستان 20 سال تئیں پاکستان اچ افغانستان دے رستے بد امنی کھنڈاوݨ دے مذموم ایجنڈے تے کاربند رہیا مگر آخرکار اینکوں منہ دی کھاوݨی پئی سفارتی سطح تے ہݨ ہندوستان دی حالت کھسیانی ٻلی کھمبا نوچے آلی تھی چکی اے ، انہاں آکھیے طالبان دی امن دے جذبے تے مبنی گال مہاڑ باعث اطمینان ہے ۔
پاکستان افغانستان توں فوجی انخلا اچ تاریخی کردار ادا کیتے ،وفاقی وزیر داخلہ شیخ رشید احمددی پریس کانفرنس
مضمون کا ماخذ : اسٹریٹیجیا لاٹوفاسیل
متعلقہ مضامین
