دوشنبے۔16ستمبر(اے پی پی)وزیر اعظم عمران خان ازبکستان دے صدر شوکت مرزایوف نال ملین۔ ایں توں پہلے دوشنبے ایئرپورٹ تے پڄݨ تے عمران خان دا شاندار استقبال کیتا ڳئے اتے ازبکستان دے وزیراعظم آپ آ تے وزیر اعظم عمران خان دا استقبال کیتے اتے عمران خان کوں پھلاں دا گلدستہ پیش کیتا ڳئے۔ ازبکستان دے صدر شوکت مرزایوف نال ملاقات شنگھائی تعاون تنظیم (ایس سی او) سربراہ اجلاس ویلھے دوشنبے اچ تھئی۔ انہاں ݙوطرفہ تعلقات سودھا اہم علاقائی و بین الاقوامی امور خاص کر تجارت، سرمایہ کاری اتے ٹرانسپورٹیشن لنکس سودھا مختلف شعباں اچ تعاون ودھاوݨ دے موقعیاں ڳالھ مہاڑ کیتی۔ وزیراعظم پاکستان دے “وژن وسطی ایشیا” پالیسی نال وسط ایشیائی ملکاں نال وݙے پیمانے تے تعلقات ودھاوݨ دا ݙسائے اتے علاقائی رابطہ کاری، سماجی و معاشی جڑت اتے جیو سیاست توں جیو اکنامک تعاون ودھاوݨ تے زور ݙتا۔ انہاں آکھیے جو ترمیز، مزار شریف، کابل، جلال آباد اتے پشاور کوں ملاوݨ آلا ٹرانس افغان ریلوے منصوبہ ٻہوں اہم اے، افغانستان اچ امن و استحکام پاکستان اتے خطے کیتے ضروری اے۔
ݙوہاں رہنماواں افغانستان دی اڄوکی صورتحال اتے علاقائی سلامتی سانڳے سانڄھیاں کوششاں تے اتفاق کیتے۔
وزیر اعظم عمران خان دی ازبکستان دے صدر نال ملاقات
مضمون کا ماخذ : bolão lotofácil
متعلقہ مضامین
