لاہور۔14دسمبر (اے پی پی):صدر مملکت ڈاکٹر عارف علوی آکھیے جو پاکستان اچ معیاری تعلیم اتے اخلاقی اقدار دی بہتری توں صحت مند معاشرہ تشکیل پیندا پئے مگر عصر حاضر دے تقاضیں دے مطابق تریمتاں کوں وی مرداں دے رلے ہر شعبے اچ آپݨا کردار نبھاوݨا ہوسی تاں جو ملک مزید ترقی اتے استحکام آلے پاسے ودھ سڳے ،ترقی یافتہ معاشرے مادہ پرستی دے پاسے راغب ہن جیں دی وجہ توں انہاں دی اخلاقی اقدار نہ ہووݨ دے برابر ہن ،آئیڈیل لائف کیتے اساکوں آپݨی اخلاقی اقدار اتے ثقافت و ورثے کوں ودھارا ݙیوݨا ہوسی جیں کیتے مرداں دے نال نال تریمتاں کوں وی میدان عمل اچ آوݨا ہوسی او منڳل کوں لاہور کالج فار ویمن یونیورسٹی دے16ویں کانووکیشن دی تقریب توں خطاب کریندے پئے ہن ۔گورنر پنجاب چوہدری محمد سرور، وائس چانسلر لاہور کالج فار ویمن یونیورسٹی ڈاکٹر بشریٰ مرزا سمودھے تعلیمی شخصیات اتے طالبات دی وݙی تعداد وی ایں موقع تے موجود ہن ۔صدر مملکت ڈاکٹر عارف علوی آکھیے جو بابائے قوم قائد اعظم محمدعلی جناح،علامہ ڈاکٹر محمد اقبال اتے سر سید احمد خان دی تعلیمات تے عمل کرتے ہی اساں ھک حقیقی اسلامی ،فلاحی،نظریاتی اتے پڑھی لکھی قوم ابھر تے سامݨے آسڳدوں ۔
پاکستان اچ معیاری تعلیم توں صحت مند معاشرہ تشکیل پیندا پئے ، تریمتاں کوں وی مرداں دے رلے ہرشعبے اچ آپݨا کردار نبھاوݨا ہوسی ،صدرعارف علوی دا لاہور کالج فار ویمن یونیورسٹی دے کانووکیشن توں خطاب
مضمون کا ماخذ : گرم گرم
متعلقہ مضامین
