وزیر خارجہ مخدوم شاہ محمود قریشی دی آپݨے سعودی ہم منصب نال ملاقات، ݙو پاسہ تعلقات اتے افغانستان سودھے خطے دی صورتحال تے ڳالھ مہاڑ

APP21-191221 ISLAMABAD: December 19 - Saudi Foreign Minister Prince Faisal Bin Farhan Al-Saud in a meeting with Foreign Minister Makhdoom Shah Mahmood Qureshi at Parliament House, on the sidelines of the 17th Extraordinary Session of OIC - CFM on Afghanistan. APP

اسلام آباد۔19دسمبر (اے پی پی) او آئی سی وزرائے خارجہ کونسل دے غیر معمولی اجلاس دے موقع تے وزیر خارجہ مخدوم شاہ محمود قریشی نال انہاں دے ہم منصعب شہزادہ فیصل بن فرحان آل سعود ملاقات کیتی۔ ملاقات اچ ݙو پاسہ تعلقات اتے افغانستان سودھے خطے دی صورتحال تے ڳالھ مہاڑ کیتی ڳئی۔ وزیر خارجہ آکھیا جو اساں سعودی عرب نال ݙو پاسہ اقتصادی اتے معاشی تعلقات کوں ودھاوݨ اتے انہاں کوں سیاسی تعلقات نال ہم آہنگ بݨاوݨ کیتے پرعزم ہیسے۔ وزیرخارجہ اوکھے ویلھے اچ پاکستان نال تعاون کرݨ تے سعودی وزیرخارجہ دا شکریہ ادا کیتا اتے آکھیا جوپاکستان، مارچ 2022 اچ او آئی سی وزرائے خارجہ کونسل دے اڑتالھیوں اجلاس دی میزبانی کیتے تیار اے۔ انہاں آکھیا جو ہک ٻئے دے پچھوں ݙو وزرائے خارجہ کونسل دے اجلاساں دی میزبانی، مسلم امہ کیتے پاکستان دی سنجیدہ کوششاں دی ترجمانی کریندی اے۔ انہاں آکھیا جو افغانستان اچ ابھردے ہوئے انسانی بحران کیتے فوری اقدامات نہ کیتے ڳئے تاں اوندے اثرات ہمسائے ملکاں، خطے اتے دنیا تے پئے سڳدن۔ اساں کشمیر دے مسئلے تے او آئی سی دی مسلسل حمایت تے شکریہ گزار ہیسے۔ سعودی وزیر خارجہ شہزادہ فیصل بن فرحان آل سعود او آئی سی وزرائے خارجہ کونسل دے غیر معمولی اجلاس دے شاندار انتظامات دی تعریف کیتی اتے پر خلوص میزبانی تے وزیر خارجہ مخدوم شاہ محمود قریشی دا شکریہ ادا کیتا۔

مضمون کا ماخذ : قسمت کا پہیہ