اسلام آباد۔5جنوری (اے پی پی)وفاقی وزیر مواصلات و پوسٹل سروسز مراد سعید آکھیے جو پی ٹی آئی سڑکاں ٻݨاوݨ کیتے پنڄ سال دے اہداف 3 سال اچ پورا کر ڳھدے، اپݨے دور اچ 2 ہزار 32 کلومیٹر سڑکاں ٻݨائن، مسلم لیگ ن دے پچھلے دور اچ 947 کلومیٹر سڑکاں ٻݨیاں ہن جیندا ٻہوں شور مچدے، اساں نہ صرف ودھ سڑکاں ٻݨائݨ بھل ٻہوں ڳھٹ لاگت نال مکمل کر تے ملک و قوم دا ارباں روپیہ بچائے۔ اے ڳالھ انہاں ہکلہ ۔ڈی آئی خان موٹروے دی افتتاحی تقریب نال خطاب اچ آکھی۔ انہاں آکھیا جو حکومت پسماندہ اتے ڳھٹ ترقی یافتہ علاقیاں کوں اڳو تے ڳھن آوݨ کیتے کم کریندی پئی اے، پورے ملک اچ سڑکاں دا ڄال وچھاوݨ کیتے منصوبہ بندی کیتی اے جیندے اچ 5 سالہ اتے 10 سالہ اہداف مقرر کیتن، 1300 کلومیٹر موٹر وے تے موٹر وے پولیس لا ݙتی اے، شفافیت کیتے ای بڈنگ اتے ای ٹرینڈرنگ کوں ترجیح ݙیندے پئے ہیں۔
مضمون کا ماخذ : میگا سینا پریمیو
