اسلام آباد۔30دسمبر(اے پی پی)وزیراعظم عمران خان دی اڳواݨی اچ اسلام آباد اچ وفاقی کابینہ دا اجلاس تھئے۔ اجلاس اچ فنانس ترمیمی بل 2021 منظوری کیتے پیش تھئے۔ وزیر خزانہ شوکت ترین بل دا مسودہ پیش کریندے ایندے خدوخال ݙسائے اتے کابینہ ارکان دے سوالاں تے ولدے وی ݙتے۔ انہاں آکھیا جو منی بجٹ بارے ٻہوں اٻہام کھنݙایا ڳئے ٻھل حقیقت ایندے کولو بالکل ٻئی اے، فنانس بل اچ 71 ارب روپے دے نویں ٹیکسز لڳدے پین، لیپ ٹاپ، ٹیبلٹس اتے فون کالز تے مجوزہ ٹیکسز سانڳے خصوصی کمیٹی ٻݨاوݨ دا فیصلہ کیتا گئے۔ کمیٹی لیپ ٹاپ، ٹیبلٹس اتے فون کالز تے ٹیکسز کیتے اپݨیاں سفارشات ݙیسی۔ اجلاس ٻئے اہم قومی امور اتے پچھلے اجلاساں دے فیصلیاں تے پیش رفت دا وی جائزہ ڳھدا ڳیا۔ ایں دوران وزیراعظم عمران خان پارلیمنٹ ہاؤس اچ میڈیا نال الیندے آکھیا جو روز آہدن جو نواز شریف اڄو آندا پئے، ڄݙاں اے سعودی عرب ٻھڄیے ہن، اݙاہیں وی ایہو کڄھ آہدے ہن، ہر مہینے بعد شور مچیندن جو حکومت ٻہوں اوکھی اے، حکومت کوں کوئی مسلہ نئیں، شہباز شریف دی تقریر نوکری دی درخواست ہوندی اے۔
وزیراعظم عمران خان دی زیرصدارت وفاقی کابینہ اجلاس، فنانس ترمیمی بل 2021 منظور
مضمون کا ماخذ : لوٹیریا کا اطلاق
متعلقہ مضامین
