اسلام آباد۔30دسمبر (اے پی پی):وفاقی وزیرخزانہ شوکت ترین آکھیے جو لکی تاریخ اچ پہلی واری گھٹ آمدنی آلے طبقے کوں بلاسود اتے سوکھا قرضہ ݙتا ویندا پئے، اے ڳال انہاں کامیاب پاکستان پروگرام دے تحت بلا سود قرضے ݙیوݨ دی تقریب توں بطورمہمان خصوصی خطاب کریندے ہوئیں آکھی اے ۔سینیٹ دی قائمہ کمیٹی دے چئیرمین سینیٹر فیصل جاوید وی ایں موقع تےموجود ہن ۔ چیئر مین اخوت اسلامک مائیکرو فنانس پروگرام دے اغراض و مقاصد بارے ݙسایا ۔وزیرخزانہ آپݨے خطاب اچ آکھیے جو جیڑھے لوک بینکاں تئیں رسائی توں محروم ہن انہاں کوں براہ راست قرضے ݙتے ویندے پئن ، ایں سلسلے اچ وزیر اعظم پاکستان خصوصی اقدامات دی ہدایات کیتی اے ۔ انہاں آکھیے جو سماجی اتے معاشی ترقی کیتے موجودہ حکومت ہر ممکن اقدامات کریندی پئی اے اتے سارے طبقات کوں بلا تفریق و بلا تعصب قرضہ جات دی فراہمی کیتی ویندی پئی اے ۔ وزیرخزانہ آکھیے جو اساں غریب عوام دے خواباں کوں پورا کرݨ کیتے کوشاں ہیسے ۔ معیشت دی ترقی دے ثمرات اڄ تئیں غریب آدمی تئیں نی پڄے ، وزیر اعظم آکھدن جو ایجھا کم کرو غریب کوں کہیں دے سامݨے ہتھ نہ چاوݨا پووے ۔ شوکت ترین آکھیے جو کامیاب پاکستان خوشحال پاکستان دا رستہ اے ، عزت نفس دے نال روزگار دی فراہمی کوں یقینی بݨایا ویندا پئے۔
ملکی تاریخ اچ پہلی واری گھٹ آمدنی آلے طبقے کوں بلاسود اتے سوکھا قرضہ ݙتا ویندا پئے ، وفاقی وزیرخزانہ شوکت ترین دا کامیاب پاکستان پروگرام دی تقریب توں خطاب
مضمون کا ماخذ : لوٹیریا کے اعدادوشمار
متعلقہ مضامین
