اسلام آباد۔6فروری(اے پی پی)وزیرداخلہ شیخ رشید احمد آکھیے جو اپوزیشن یوم یکجہتی کشمیر تے ہتھو فساد کھنݙائے، اپوزیشن دی دلچسپی لانگ مارچ اچ نئیں صرف میڈیا اچ جیندا رہݨ اے، اندھے خواب ݙیکھݨ آلی اپوزیشن اپݨی موت آپ مر ویسی، سیکیورٹی فورسز دہشتگرداں دے خلاف قربانیاں ݙے تے کامیابیاں وی ڳھندے پن، سکیورٹی فورسز 72 گھنٹے اچ 20 دہشت گرداں کوں مار مکائے، ریاستی اداریاں دے خلاف اسلحہ چاوݨ آلیان کوں اصلوں معاف نہ کیتا ویسی، بھارتی میڈیا وزیراعظم عمران خان دے دورہ چین تے چیکدا پئے۔ پریس کانفرنس اچ انہاں آکھیا جو ہک ٻئے کوں گندا چنڳاں آکھݨ آلی اپوزیشن اپݨے مفاد کیتے ہک تھیندی پئی اے بھل ن لیگ اتے پیپلزپارٹی مولانا فضل الرحمان کوں کھیر اچوں مکھی آلی کار کݙھ سٹیے، اے لانگ مارچ کرن بھل 23 مارچ کوں قوم اپݨی افواج کوں تاریخی محبت اتے خلوص پیش کریسی۔ انہاں آکھیا جو سعودی عرب دے وزیرداخلہ سنوار کوں پاکستان آندے پین۔ انہاں آکھیا جو افغان طالبان نال تعلقات ہین اتے راہسن، چاہندے ہیں جو افغانستان اچ انسانی مسائل دا ستھرا حل کݙھیڄے اتے ڄڳ اڳو تے ودھے۔
اپوزیشن دی دلچسپی لانگ مارچ اچ نئیں صرف میڈیا اچ جیندا رہݨ اے، سیکیورٹی فورسز دہشتگرداں دے خلاف قربانیاں ݙے تے کامیابیاں وی ڳھندے پن، وزیرداخلہ شیخ رشید احمد
مضمون کا ماخذ : لوٹومینیا
متعلقہ مضامین
