اسلام آباد۔10مارچ (اے پی پی):وزیر داخلہ شیخ رشید احمد آکھیے جو ترائے مخالف سیاسی پارٹیاں کوں وزیر اعظم اتے احتساب دے ݙر کٹھاکرݙتے ، تحریک عدم اعتماد تے اپوزیشن کوں ہریسوں ،تحریک عدم اعتماد عمران خان کیتے تحریک اطمینان ثابت تھیسی ،سپیکر دے اختیارات کوں کوئی چیلنج نی کرسڳدا ، وزیر اعظم عمران خان اڄوکے مہینے ای پاسپورٹ دا افتتاح کریسن ، اساں سپر پاور دے نال چنڳے تعلقات چاہندوں ، وزیراعظم خارجہ پالیسی دے حوالے نال قوم کوں اعتماد اچ ڳھدے ،عدم اعتماد آلے ݙینھ پی ٹی آئی دے سارے ارکان اسمبلی اچ کائناں آسن ، اے ڳالھ انہاں خمیس کں اتھاں پولیس سہولت سنٹر دا دورہ کرݨ دے بعد میڈیا نال ڳالھ مہاڑ کریندے ہوئیں آکھی اے وزیر داخلہ شیخ رشید احمد آکھیے جو آئی جیز اتے پولیس کوں دہشت گردی مکاوݨ دی ہدایت کیتی اے ، اساں سارے پولیس اسٹیشنز اچ ویڈیو اتے آڈیو کیمرے نصب لاتے پاکستان دے خلاف بین الاقوامی سازشاں تھیندیاں پئن ، انہاں آکھیے جو 23 توں 30 مارچ اہم ہفتہ اے، اپوزیشن اپݨا شوق پورا کرگھنے ، جیں ݙینھ تحریک عدم اعتماد تے ووٹنگ تھیسی تحریک انصاف دے سارے ارکان اسبملی باہر ڈی چوک اچ ہوسن ، سپیکر قواعد و ضوابط دے مطابق اسمبلی اجلاس سݙ سڳدن ، سپیکر کنے فلور کراسنگ روکݨ دے اختیارات وی موجود ہن تے انہاں دے اختیارات کوں کوئی چیلنج نی کرسڳدا ، اپوزیشن کوں عدم اعتماد کیتے 172 ارکان قومی اسمبلی گھن آوݨے ہوسن ، جے پی ٹی آئی دا کوئی رکن ایں ووٹ دی توہین کریسی تاں جیڑھا عمران خان دی وجہ توں ملیے تاں سپیکر ایندے خلاف ایکشن گھنسن تے اینکوں نا اہل کرسڳدن۔
ترائے مخالف سیاسی پارٹیاں کوں وزیر اعظم اتے احتساب دے ݙر کٹھاکرݙتے ، تحریک عدم اعتماد عمران خان کیتے تحریک اطمینان ثابت تھیسی، وزیر داخلہ شیخ رشید احمد
مضمون کا ماخذ : لاٹری نمبر کا انتخاب
متعلقہ مضامین
