اسلام آباد۔28مارچ(اے پی پی)وفاقی وزیر اطلاعات و نشریات چوہدری فواد حسین آکھیے جو عمران خان دے خلاف تحریک عدم اعتماد عالمی سازش دا حصہ اے، فضل الرحمان، آصف زرداری اتے شہباز شریف ڄھیاں کٹھ پتلیاں دیاں تنداں لندن بیٹھے ڄݨے دے ہتھ ہین، مقامی سیاسی پلیئرز دا سرغنہ مے فیئرز اپارٹمنٹس اچ ٻیٹھے ڄئیں پاکستان دے خلاف اے سازش وݨی اے، مولانا فضل الرحمان، آصف علی زرداری اتے شہباز شریف جھیں بونے پاکستان کوں مستقل غلامی اچ ݙیوݨ دا پلان ٻمیدے پن۔ اے ڳالھ انہاں سپریم کورٹ دے باہرو میڈیا نال الیندے آکھی۔ وفاقی وزیر توانائی حماد اظہر وی انہاں دے نال ہن۔ چوہدری فواد حسین آکھیے جو صدارتی ریفرنس دی سماعت جاری اے، اسلام آباد دے تاریخی جلسے تے عوام دا شکر گزار ہاں، عوام دے ڄزبے نال اسلام آباد دے در و دیوار ھل ڳین، میں آکھیا ہم جو تحریک عدم اعتماد آلیاں کوں 10 لکھ لوکاں توں لنڳھ تے ونڄݨا پوسی۔ چوہدری فواد حسین آکھیا جو 3 دا ٹولہ عالمی اسٹیبلشمنٹ نال رل تے پاکستان دے خلاف سازش اچ ملوث اے، وزیراعظم جلسہ اچ ایں عالمی سازش دی جھلک عوام دے اڳو رکھی اے، تیکھے ایندے باقے ورقے وی پھول ݙیسوں، اے سازش عمران خان دے خلاف نئیں پورے پاکستان اتے ایندے عوام دے خلاف اے جو پاکستان دے عوام کوں غلام ٻݨایا ونڄے، اڄ عمران خان وی قائداعظم آلی کار ݙو رخی ٻھیڑی ٻھڑدے پن۔ انہاں آکھیا جیکر ملکی سیاسی نظام اچ پارٹی ڈسپلن تروڑ تے ارکان کوں مکرݨ دی اجازت ملدی رہی تاں اینڄھیاں منݙیاں لڳدیاں راہسن، ایں سانڳے آرٹیکل 63 اے دی تشریح ضروری اے جو ےاے لوک تاحیات نااہلی توں ݙرن۔ وفاقی وزیر اطلاعات آکھیے جو اتحادیاں نال رابطے اچ ہیں، صحافیاں کوں خبر دے چکر اچ کوڑیاں خبراں نئیں چھوڑݨیاں چاہیداں، اینڄھے صحافیاں کوں نوجوان رپورٹراں توں سیکھݨا چاہیدے جو خبر دی تصدیق کیا ہوندی اے۔ انہاں آکھیے جو پاک فوج پاکستان دے اتحاد و خود مختاری دی ضامن اے، فوج ہر او فیصلہ کریسی جیڑھا ملک دے مفاد اچ ہوسی۔
عمران خان دے خلاف تحریک عدم اعتماد عالمی سازش دا حصہ اے، فضل الرحمان، آصف زرداری اتے شہباز شریف ڄھیاں کٹھ پتلیاں دیاں تنداں لندن بیٹھے ڄݨے دے ہتھ ہین، چوہدری فواد حسین
مضمون کا ماخذ : پاور بال انعامات
متعلقہ مضامین
