راولپنڈی۔1اپریل (اے پی پی):وفاقی وزیر داخلہ شیخ رشید احمد آکھیے جو ملک کوں لٹݨ آلے چور ڈاکو اتے ضمیر فروش اقتدار کیتے وزیراعظم عمران خان دے خلاف کھٹے تھی ڳئن ،بجلی، گیس اتے پٹرول دیاں قیمتاں اچ ودھارے دے باوجود لوک عمران خان کوں پسند کریندن ،سیاست توں ریٹائر تھیوݨ آلا ہم مگر موجودہ صورتحال اچ عمران خان دے نال چٹان وانڳوں کھڑا رہساں ،پاکستان دی سیاست اچ آوݨ آلا ݙینھ ٻہوں اہم اے ،دنیا اچ پاکستان جغرافیائی اعتبار توں اہم خطہ اچ واقع اے۔اے ڳالھ وفاقی وزیر شیخ رشید احمد جمعہ کوں راولپنڈی دے وقارالنساء کالج کوں یونیورسٹی دادرجہ ملم تے منعقد تھیوݨ آلی تقریب توں خطاب کریندے ہوئیں آکھی اے ، ایں موقع تے پارلیمانی سیکرٹری شیخ راشد شفیق ،ڈائریکٹر کالجز شیر ستی، انتظامیہ و فیکلٹی ممبران دے علاوہ طالبات دی وݙی تعداد موجود ہئی ۔شیخ رشید احمد آکھیے جو وقار النساء کالج کوں یونیورسٹی دا درجہ ݙیوݨ تے وزیر اعظم عمران خان، وزیر اعلی پنجاب عثمان بزدار اتے گورنر پنجاب چوہدری محمد سروردا شکر گزارہاں۔انہاں ݙسایا جو قانونی پیچیدگیاں دی وجہ وقارالنساء کالج کوں یونیورسٹی دا درجہ ݙیوݨ اچ دیر تھئی تے ایں یونیورسٹی اچ راولپنڈی دی غریب پڑھی لکھی 264 ٻالڑیاں کوں میرٹ تے ملازمتاں ݙتیاں ویسن تے ہݨ راولپنڈی پاکستان دا اوواحد شہر اے جتھاں صرف تریمتاں دیاں چار یونیورسٹیز ہوسن ۔
ملک کوں لٹݨ آلے چور ڈاکو اتے ضمیر فروش وزیراعظم عمران خان دے خلاف کھٹے تھی ڳئن ،وزیر داخلہ شیخ رشید احمد دا وقارالنساء کالج کوں یونیورسٹی دا درجہ ملݨ تے منعقدہ تقریب توں خطاب
مضمون کا ماخذ : raspadinha acumulada
متعلقہ مضامین
