اسلام آباد۔10ستمبر(اے پی پی)وفاقی وزیر خزانہ محمد اورنگزیب آکھیے جو کاشتکاراں دے سوکھ کیتے ایں سال زرعی قرضے ودھائے ویسن، ڈیری اتے لائیو سٹاک دے شعبیاں کیتے وی قرض ودھائے ویسن۔ سینیٹ اچ سوالاں دا ولدا ݙیندے انہاں آکھیا جو سرکاری ادارے متعلقہ قوانین دے تحت ٻݨدن، پبلک فنانس منیجمنٹ ایکٹ 2019 اینڄھے اداریاں نال عوامی فنڈز دے محتاط انتظام دے اصول ٻݨیدے، سٹاک ایکسچینج اچ اتار چڑھائو رہندے، کہیں وی نجی کمپنی دے شیئرز نال وزارت خزانہ دا کوئی تعلق نئیں ٻݨدا۔ انہاں آکھیا جو ملک اچ معاشی ترقی سانڳے زراعت دی شرح نمو چھی فیصد رہی، ایں شعبے کیتے قرض 80 فیصد تئیں ودھین، ایں سال وی کاشتکاراں دے سوکھ کیتے ودھ قرضے ݙتے ویسن، کوشش اے جو بنکاں ولوں ایں شعبے کیتے قرض ݙتے ویسن۔ انہاں آکھیا جو موجودہ حکومت ہݨ تئیں 152 ارب روپے دے سیلز ریفنڈز ݙی چکی اے تاں جو برآمد کنندگان کیتے سرمائے دا مسئلہ نہ تھیوے، برآمداتودھاوݨ کیتے کہیں ہک شعبے تے انحصار نئیں کر سڳدے، زراعت اتے آئی ٹی برآمدات ودھاوݨ ضروری ہین، قرضیاں دے ودھارے اچ مرحلہ وار کمی آندی پئی اے، اساں معیشت کوں درآمدات دی بجائے برامدات ودھاوݨ دو ڳھن ونڄݨے، اخراجات ڳھٹاوݨ کیتے مختلف 6 وزارتاں دا جائزہ ڳھدے جیندے بارے سفارشات ایوان اچ پیش کیتاں ویسن، پنشن اتے خسارے دا شکار اداریاں دے نقصان دے مسلیان دا وی حل کݙھݨ ضروری اے جیندے تے کم تھیندا پئے۔
کاشتکاراں دے سوکھ کیتے ایں سال زرعی قرضے ودھائے ویسن، وفاقی وزیر خزانہ محمد اورنگزیب
مضمون کا ماخذ : تعداد بہت زیادہ ہے۔
متعلقہ مضامین
