پشاور۔30 ستمبر(اے پی پی)خیبر پختونخوا دے گورنر فیصل کریم کنڈی معروف صحافی تے اسکالر ڈاکٹر سعدیہ کمال کوں پاکستان فیڈرل یونین آف جرنلسٹس ورکرز دی صدر منتخب تھیوݨ دی مبارخ ݙتی ، آپݨے جاری سنھیے اچ انھاں آکھیے ھک تریمت دا پی ایف یوجے دا صدر ہووݨ قابل تحسین اے کیوں جو پیپلزپارٹی ہمیشہ تریمتاں دی برابری ، خودمختاری اتے لیڈرشپ تے یقین رکھیندی اے، اے انتخاب نہ صرف ڈاکٹر سعدیہ کمال سانڳے جڈاں جو پورے صحافتی طبقے سانڳے ھک تاریخی لمحہ اے۔ انہاں آکھیےجو ڈاکٹر سعدیہ کمال دی قیادت اچ پی ایف یو جے ورکرز دی طاقت اتے وقار اچ ودھارا تھیسی، انھاں دی مہارت، تجربہ، اتے صحافت تئیں انھاں دی وابستگی یقیناً صحافتی برادری سانڳے ھک نواں رستہ ہموار کریسی ۔میں انھاں دی کامیابی سانڳے دعا کرینداں تے امید کرینداں جو او آپݨی قیادت دے ذریعے صحافتی اخلاقیات کوں ودھارا ݙیسن ۔ گورنر خیبرپختونخوا فیصل کریم کنڈی ڈاکٹر سعدیہ کمال کوں ایں نویں عہدے تے کامیابی دی دعا ݙیندے آکھیے امید اے او آپݨی ذمہ واریاں کوں احسن طریقے نال نبھیسن تے صحافتی آزادی تے اخلاقی صحافت دے ودھارے اچ اہم کردار ادا کریسن۔
گورنرخیبرپختونخوا فیصل کریم کنڈی دی ڈاکٹر سعدیہ کمال کوں پی ایف یو جے ورکرز دی صدر منتخب تھیوݨ تے مبارخ
مضمون کا ماخذ : جنگل کی روح: جنگلی کی کال
متعلقہ مضامین
