اسلام آباد ۔ 8 جولائی (اے پی پی) پولیو مکاونڑ سانگے وزیراعظم دے معاون بابر بن عطاآکھیے جو خصوصی انسداد پولیو جولائی اتے اگست اچ تھیندی پی ہے۔انہاں ماں پیو ، علما کرام، میڈیا اتے سارے مکتبہ فکر توں اپیل کیتی ہے جو بالاں کوں معذوری توں بچاونڑ سانگے انسداد پولیو قطرے ضرور پلاونڑ۔انہاں آکھیا جوماں پیو کوں اپنڑے بالاں کوں پولیو توں بچاونڑ دے قطرے پلاونڑ تے راضی کرنڑ ،تاںجو وائرس کوں ہمیشہ ہمیشہ کیتے مکایا ونج جا سگے۔ ایمرجنسی آپریشنز سنٹر اسلام آباد توں جاری بیان مطابق انہاں ڈسایا جو ماں پیو دے انکاردی وجہ نال چار بئے پولیو کیسز سامنڑے آ گن۔ ضلع جعفر آباد توں ہک ، ضلع قلعہ عبداللہ توں ہک اتے صوبہ خیبرپختونخوا دے ضلع بنوں توں پولیو دے 2 کیسز رپورٹ تھئے ہن۔سارے بالاں دے ماں پیوپولیو دے قطرے پلاونڑ توں انکارکیتا ہا۔ انہاں ڈسایا جواڈھائی سال دا بال اتے ہک سال دی بالڑی دا تعلق ضلع بنوں اتے 8 اتے9 مہیناں دے بالاں دا تعلق بلوچستان دے ضلع جعفر آباد اتے قلعہ عبداللہ توں ہے۔ چارے بالاں کوں نہ تاں معمول دے حفاظتی ٹیکے لوائے گئے اتے نہ ہی پولیو توں بچنڑ دے قطرے پیوائے گئے۔ انہاں آکھیا جوبالاں کوں ول ول پولیو توں بچاونڑ دے قطرے پیوا تے پولیو دئی بیماری توں بچایا ونج جا سگدے۔
خصوصی انسداد پولیو جولائی اتے اگست اچ تھیندی پی ہے، ماں پیواپنڑے بالاں کوں معذوری توں بچاونڑ سانگے انسداد پولیو قطرے ضرور پلاونڑ، وزیراعظم دے معاون انسداد پولیو بابر بن عطاءدی اپیل
مضمون کا ماخذ : میگا جیک پاٹس: کلیوپیٹرا
متعلقہ مضامین
