سیالکوٹ۔ 5 جنوری (اے پی پی) وزیراعظم عمران خان دی معاون خصوصی برائے اطلاعات ڈاکٹر فردوس عاشق اعوان ہک نیوز کانفرنس اچ آکھیے جو ایران ساڈا بھرا اسلامی ملک اتے ہمسایہ اے ،خطے اچ جڈاں وی کوئی اوکھا ویلھا آئے اساں مشاورت اتے مذاکرات نال ایں چیلنج دا مقابلہ کیتے،وزیر خارجہ شاہ محمود قریشی سنوار کوں سینیٹ اچ حکومتی ترجیحات تے پالیسی بیان ڈیسن اتے او پاکستان دے قومی مفاد نال جڑیاں ترجیحات بارے ڈسیسن۔ انہاں آکھیا جو حکومت اتے وزیر اعظم پاکستان داموقف بہوں واضح اے جو اساں خطے اچ امن دے داعی بنڑیے ہیں اتے افغان امن عمل دا حل وی خطے اچ امن نال جڑیا ہویا اے جیکر خطہ بدامنی وات آیا تاں افغان امن عمل وی متاثرتھیسی جیڑھا کہیں دے مفاد اچ کائنی اتے اساں ہر صورت امن کوں ودھاونڑے۔ڈاکٹر فردوس عاشق اعوان آکھیے جو خطے دی تازہ کشیدہ صورتحال اچ پاکستان دے مفاد داتحفظ کرنڑ سادی ذمہ واری اے،کوئی وی فیصلہ پاکستانی مفادات دے تحت کیتا ویسی۔ انہاں آکھیا جو آرمی ایکت اچ ترمیم نال قوم اتے ملک دا مستقبل جڑیا ہوئے، اپوزیشن ایندے تے بئی گالھ کرنڑ چاہندی اے تہوں سنوار کوں قائمہ کمیٹی دا اجلاس سڈیے تاں جو ایں قانون سازی کوں متفقہ قانون سازی بنڑایا ونجے اتے اپوزیشن دے تحفظات دور تھیون،امید اے اپوزیشن وی قومی یکجہتی کوں نقصان نہ پجنڑ ڈیسی۔
ایران امریکا کشیدگی خطے کیتے چیلنجنگ اے،اساں امن ودھاونڑ چاہندے ہیں،ہر فیصلہ پاکستان دے مفاد دے مطابق ہی کیتا ویسی، ڈاکٹر فردوس عاشق اعوان دی نیوز کانفرنس
مضمون کا ماخذ : sorteos میگا سینا
متعلقہ مضامین
