اسلام آباد ۔ 11 جون (اے پی پی) آندے مالی سال 2019-20ءدے سرکاری شعبے دے سالانہ ترقیاتی پروگرام دے تحت سائنس اینڈ ٹیکنالوجیکل ریسرچ ڈویژن دے جاری تے نویاں سکیماں کیتے مجموعی طور تے 7ارب 40کروڑ 73لکھ روپے دے فنڈز رکھیے گن۔منگل کوں جاری تھیونڑ آلے پی ایس ڈی پی دے مطابق جاری سکیماں اچ گوادر اچ پی ایس ٹی سی دے قیام کیتے 26کروڑ ، وژن 2025ءدے تحت ایس ایم ای کیتے 10کروڑ ، فرسٹ انڈسٹریل انوویشن سروے کیتے 2 کروڑ ، سائنس ٹیلنٹ فارمنگ سکیم کیتے 15کروڑ روپے دے فنڈز رکھین جڈاں جو نویاں سکیماں اچ ریسرچ پروگرام کیتے 26کروڑ 90لکھ ، سکلز ڈویلپمنٹ انٹرنیشنل سکالرشپس کیتے 80کروڑ ، سینٹر فار ایڈوانس ٹیکنالوجی دے قیام کیتے 67کروڑ 11لکھ ،نیشنل سینٹر فار انڈسٹریل بائیو ٹیکنالوجی دے قیام کیتے15کروڑ ، پاک چائنا یونیورسٹی آف انجینئرنگ اینڈ ایمرجنگ ٹیکنالوجی کیتے ہک ارب 50کروڑ روپے، نیشنل سینٹر فار ریسرچ اینڈ انوویش کیتے 2ارب 50کروڑ روپے سمیت مختلف ترقیاتی منصوبیں کیتے فنڈز رکھیے گن۔
سائنس اینڈ ٹیکنالوجیکل ریسرچ ڈویژن دی جاری اتے نویاں سکیماں کیتے 7 ارب 40کروڑ 73لکھ روپے مختص
مضمون کا ماخذ : ٹربو چارج
متعلقہ مضامین
