کراچی ۔ 10 جولائی (اے پی پی) وزیراعظم عمران خان بدھ کوں کراچی اچ میڈیا نال گالھ مہاڑ کریندے ہوئیں آکھیا جوا وہ پاکستان دی چنگائی اتے ترقی دے مشن تے عمل کریندے پن۔ پاکستان کوں قرضیاں دے دلدل توں باہر کڈھیسن ۔انہاں آکھیا جوسرمایہ کاری نال پاکستان کوں اپنڑے پیراں تے کھڑن سانگے مدد ملسی۔انہاں آکھیا جو تاجراں دی مدددے بغیر قرضیاں دے بھار توں باہر نکلنڑ مشکل ہے ۔وزیراعظم آکھیا جوطاقتور دا احتساب تھیسی تاں ملک ہمیشہ کیتے بدل ویسی۔ وزیراعظم عمران خان آکھیا جو ماضی دے حکمراناں ملکی قرضے 6 ہزار ارب توں 30 ہزار ارب تئیں پجائے۔ انہاں آکھیا جو موجودہ حکومت دے اقتداراچ آونڑ دے پہلے ڈینھ توں ہی اپوزیشن رولا پاتا ہوئے جو ملک کائناں چلسی۔ وزیراعظم ڈوٹوک آکھیا جو جیرھے لوک میڈے کنوں ترائے لفظ ”این آر او“ سنڑن چاہندن، میں کڈاہیںا یہ الفاظ کائناں آکھیساں ،کیونجو ا یہ قوم نال غداری ہو سی۔انہاں آکھیا جو طاقتور دا احتساب تھیسی تاں ملک ہمیشہ کیتے بدل ویسی۔ وزیراعظم آکھیا جو ملک کوں قرضیاں دے دلدل اچ سٹنڑ آلے مہنگائی دا شور مچیندے پن ،جڈاں جوانہاں دا بھار عوام بھگتدی پی ہے۔وزیراعظم آکھیا جو کاروبار چلسی، سرمایہ کاری تھیسی تاں ملک معاشی طور تے ٹھیک تھی ویسی۔ وزیراعظم آکھیا جو اگر کوئی گھر مقروض تھی ونجے تاں ا وہ کہیں کم یا کاروبار نال آمدن ودھا تے قرض لہیسی۔انہاں آکھیا جواساڈا محل وقوع بہوں چنگا ہے، اللہ سائیں اساکوں بہوں کجھ ڈتے،اساں اصلاحات کر یندے پئے ہسے، ٹیکس سسٹم ٹھیک کر یندے پئے ہسے، ایف بی آر اچ اصلاحات کریسوں اتے ساڈھے پنج ہزار ارب دا ہدف حاصل کریسوں۔ وزیاراعظم آکھیا جو میڈی ساریاں توں اپیل ہے جو اپنڑاں ذہن بدل گھنڑ،ا وہ طبقے جیرھا جوٹیکس نی ڈیندے ا وہ ملک اچ اپنڑاں حصہ پاونڑ، 21 کروڑ آبادی ٹیکس ڈیسی تاں ودھ سارا ٹیکس کٹھا تھیس۔ انہاں آکھیا جو اساں8ہزار ارب ٹیکس کٹھا کر سگدوں۔ ہک سوال دے جواب اچ وزیراعظم آکھیا جو کہیں بندے گورنر راج دی کوئی گالھ نی کیتی ۔
وزیراعظم عمران خان دی کراچی اچ میڈیا نال گالھ مہاڑ
مضمون کا ماخذ : جیک اور بین اسٹالک
متعلقہ مضامین
