اسلام آباد ۔ 26 نومبر (اے پی پی)وزیر خارجہ شاہ محمود قریشی آکھیے جو کشمیری عوام کوں بھارتی مظالم توں نجات ڈیواونڑاتے بھارتی کوڑے پروپیگنڈے کوں بے نقاب کرنڑ کیتے ہر فورم تے ویسوں،اساں کشمیر بارے بین الاقوامی سیمینارکراونڑ دا فیصلہ کر چکیے ہیں جیندے اچ پورے جگ توں ماہرین، ڈپلومیٹس کوں سڈیسوں، اسلامو فوبیا دے خلاف ملائیشیا، ترکی اتے قطر نال رل تے مشترکہ لائحہ عمل بنڑیسوں۔اے گالھ انہاں سینیٹ دی قائمہ کمیٹی برائے امور خارجہ دے اجلاس کوں ڈسائی۔چیئرمین سینیٹر مشاہد حسین سیّد دے زیر صدارت اجلاس اچ مقبوضہ جموں و کشمیر دی صورتحال اتے ایں معاملے تے وزارت خارجہ ولوں عالمی سطح تے اقدامات ،صدر سیکورٹی کونسل، صدر جنرل اسمبلی اتے سیکرٹری جنرل اقوام متحدہ کوں لکھیجنر آلے خط دی تفصیل وی ڈسائی گئی۔شاہ محمود قریشی ہنڑ تئیں کشمیر دے مسلے تے اپنڑے سفرتخانیاں دے ذریعے 400 روابط کرنڑ دا ڈسائے۔شاہ محمود قریشی آکھیے جو اج پاکستان دی کوشش نال مقبوضہ جموں و کشمیر دی صورتحال یورپی یونین، امریکی کانگریس، فرنچ پارلیمنٹ سودھا پورے جگ اچ زیر بحث اے،برطانوی الیکشن مہم اچ وی ایہاگالھ ہی چلدی پئی اے،جیڑھی حوصلہ افزا اے۔
کشمیری عوام کو ں بھارتی ظلم توں نجات ڈیواونڑ کیتے ہر فورم تے ویسوں، اسلامو فوبیا دے خلاف ملائیشیا، ترکی اتے قطر نال رل تے مشترکہ لائحہ عمل بنڑیندے پئے ہیں، وزیر خارجہ
مضمون کا ماخذ : کمپیوٹر لاٹری آن لائن
متعلقہ مضامین
