اسلام آباد ۔ 5 اگست (اے پی پی) قومی اسمبلی دا اجلاس بھارت ولوں کشمیر دا خصوصی درجہ ختم کرنڑ دے اعلان دے خلاف بطور احتجاج ملتوی کرڈتا گئے ،جڈاں جو ڈپٹی سپیکر قاسم خان سوری آکھیا جو مقبوضہ کشمیر اچ بھارتی ظلم تے تشدد اتے آزاد کشمیر دے سرحدی علاقیاں اچ سول آبادی دے خلاف کلسٹر بمباں دے استعمال تے پورا پاکستان مذمت کریندے۔ سنوار کوں قومی اسمبلی اجلاس ڈپٹی سپیکر قاسم خان سوری دی صدارت اچ مقر کیتے گئے ٹائم توں2 گھنٹے دیر نال شروع تھیا۔ ڈپٹی سپیکر آکھیا جوہندوستان ولوں کشمیر کو ں خصوصی حیثیت ڈیونڑ آلے آئین دے آرٹیکل ختم کرنڑ اتے صدارتی آرڈیننس اچ ترمیم کوں عوام دے منتخب نمائندے مسترد کریندن اتے ایندے خلاف شدید احتجاج کریندن۔ انہاں آکھیا جوایہ اقوام متحدہ دی قرارداداں دی خلاف ورزی ہے۔ ڈپٹی سپیکر آکھیا جو ایں سانگے پارلیمنٹ دامشترکہ اجلاس وختی سڈیا ویندا پئے۔ انہاں آکھیا جو اساں کشمیر اچ تھیونڑ آلے بھارتی ظلم تے تشدد اتے لائن آف کنٹرول تے گولہ باری دی مذمت کریندوں۔ انہاں قومی اسمبلی دا اجلاس خمیس دی سویل یاراں وجے تئیں ملتوی کرڈتا۔
قومی اسمبلی دا اجلاس بھارت ولوں کشمیر دا خصوصی درجہ ختم کرنڑ دے اعلان دے خلاف بطور احتجاج ملتوی کرڈتا گئے
مضمون کا ماخذ : لوٹیریا علاقائی
متعلقہ مضامین
