اسلام آباد 08 اګست (اے پی پی)وزيراعظم شهباز شريف وئېلي دي چې د زرعي ټيوب ويلز شمسي توان ته د منتقلۍ په پروژه 377 ارب روپۍ لګښت راځي٬ سولر لپاره په دريو كښې يوه برخه به كروندګر او پاتې برخه وفاق او صوبې ادا كوي٬ شمسي توان د كورونو٬صنعتونو او دكانونو پشمول هرې څانګې لپاره ضروري دې٬د پرمختګ لپاره به د كركيلې مزل تندول وي٬سبا به مونږ خپله موده پوره كوو٬صدر ته د اسمبلۍ تحليل كولو لپاره به سبا ليكم۔ د دې خيالاتو څرګندونه ده د نهې په ورځ كنونشن سنټر كښې يو لك زرعي ټيوب ويلز په شمسي توان د منتقل كولو په اړه دستورې ته په خپل خطاب كښې وكړه۔وزيراعظم شهباز شريف وويل چې زمونږ د حكومت موده پوره كېدو نه وړاندې مو دا پروژه پېل كړې٬په هېواد كښې د كركيلې خوشحالۍ انقلاب راوستلې شي٬په دې كښې چا ته شك كول نه دي پكار٬په ټول هېواد كښې كروندكر په هر موسم كښې محنت كوي٬د كروړونو خلكو لپاره غله پېدا كېږي٬د دې نه زيات د هېواد بل كوم خذمت نشي كېدې او نه عبادت كېدې شي۔ده ووئيل چې هېواد ته د ارزانې برېښنا ضرورت دې٬د دې نه بغېر صنعت٬حرفت٬كركيله او برآمدات پرمختګ نشي كولې٬ارزانه برېښنا وركول د هر حكومت وړومبې فرض دې۔ ده ووئيل په هېواد كښې سياسي اړې ګړې وو٬ آئي اېم اېف سره د لوظ نامې پشمول ځينو نورو چېلنجونو سره مخ وو چې درست اندازه لګول ممكن نه وو٬د آئي اېم اېف پروګرام هېواد لپاره ضرورې وو٬په دې كښې هڅ شك نشته چې د هغوي شرطونه سخت دي٬د آئي اېم اېف پروګرام نه بغېر پاكستان ته د زرمبادله پاڼكو پشمول ځينې ډول چېلنجونه رامخې ته كېدل٬ده ووئيل چې د تېرو 16 مياشتو په مهال حكومت شمسي توان ته منتقلۍ لپاره بشپړه محنت كړې٬د پاكستان ديواليه كېدو څخه هېواد لپاره تباه كن صورتحال پیدا كېږي٬د آئي اېم اېف پروګرام شوې٬هېواد د ديواليه كېدو څخه بچ شوې۔وزيراعظم ووئيل چې كروندګرو له به په مناسب بيعو سره او ارزانه برېښنا وركولو سره به د كركيلې څانګه پرمختګ وكړي٬كروندګرو او د 200 نه كم يونټ استعمالونكو صارفينو ته ارزانه برېښنا وركولې كېږي۔ ده ووئيل چې د كركيلې او صنعتونو پشمول ټولو څانګو كښې به مونږ له شمسي توان كارول وي٬لوے څښتن پاكستان ته شمسي توان نعمت وركړې۔ده ووئيل چې د تيل څخه جوړېدونكې برېښنا ګرانه ده٬د نمر رڼا٬اوبو او هوا څخه تر ټولو ارزانه برېښنا جوړیږي٬كارخانې٬كركيلې٬د كورونو صارفين پشمول ټولو څانګو ته ګرانه برېښنا ترلاسه كېږي۔ده ووئيل چې د نواز شريف تېر حكومت شل شل ساعته لوډشېډنګ ختم كړې٬هېواد د مشكل حالاتو څخه وتلې۔ده ووئيل چې سبا به د خپلې مودې پوره كېدو نه پس صدر مملكت ته ليكم چې هغه اسمبلۍ تحليل كړي بيا به نګران حكومت راشي۔ وزيراعظم شهباز شريف په دې موقع كروندګرو ته سرټيفيكېټس هم وركړل۔ په دستوره كښې وفاقي وزيرانو٬د پارليمان غړو او اعلٰی چارواكو ګډون وكړو۔
شمسي توان كورونو٬صنعتونو او د دكانونو پشمول هرې څانګې لپاره ضروري دې۔ د وزيراعظم د يو لك زرعي ټيوب ويلز شمسي توان ته د منتقل كولو دستورې ته وينا
مضمون کا ماخذ : resultados loteria ریو ڈی جنیرو
متعلقہ مضامین
