اسلام آباد ۔ 7 نومبر (اے پی پی) وزیر خارجہ شاہ محمود قریشی آکھیے جو سعودی عرب پیکج دے بدلے کوئی شرط نئیں رکھی، دورہ چین وی کامیاب رہے،،چین اتے سعودی عرب دے دورے نال پاکستان اتے ایندے مفاد کوں نقصان پجنڑ دا کوئی اندیشہ کائنی،اپنڑی غیر جانبداری پاروں ایران اتے سعودی عرب ڈوہیں پاکستان کوں اہمیت ڈیندے پین،وزیراعظم عمران خان دی ثالثی دی گالھ ہک سوچ دی عکاسی اے، چیلنجز نال نمٹنڑ کیتے رل مل تے کم کرنڑاہوسی۔ اے گالھ انہاں سینیٹ اچ الویندے آکھی۔وزیر خارجہ شاہ محمود قریشی آکھیا جو گوادراچ ایشیائی پارلیمانی اسمبلی اجلاس چنگی گالھ اے، اج گوادر دی گالھ پورے جگ اچ تھیندی پئی اے،اج جیہڑی صورتحال اے ایندے بارے مل تے سوچنڑاں ہوسی جو ایندا ذمہ وار کون اے؟ اتے ایندا حل کیا کڈھیا ونجے؟ انہاں آکھیے جو دورہ چین اتے سعودی عرب دے حوالے نال ارکان اچ بہوں تجسس اے بھل اے واضح کرڈیواں جو ڈوہین دورے پاکستان دے مفاد اچ اتے کامیاب رہین،انہاں دوریاں اچ اینجھی کوئی گالھ نئیں تھئی جیندے نال پاکستان دے مفاد کوں نقصان تھیوے، اساں سعودی عرب نال تعلقات کوں بیا مضبوط کرنڑ دی کوشش کیتی اے، ماضی جیہڑیاں غلط فہمیاں تھین انہاں کوں مکاونڑ کیتے گالھ کیتی اے،سعودی پیکج اچ کوئی شرطاں کائنی، سعودی عرب ہر سال ساکوں تیل دی مد اچ بہوں رعایت ڈیسی جڈاں جو اے پہلی واری تھئے جو چین دی چار اعلیٰ ترین قیادت وزیراعظم اتے وفد نال ملاقات کیتی ہووے،باہمی تعلقات اچ بہوں وڈی پیش رفت تھئی اے، اساں اسٹریٹجک دے نال نال اکنامک ریلیشن شپ کوں وسعت ڈتی اے، پہلی واری وزرائے خارجہ اسٹریٹجک ڈائیلاگ تے اتفاق کیتے۔انہاں آکھیے جو دسمبر اچ کابل اچ پاکستان، افغانستان اتے چین دی سہ فریقی گالھ مہاڑ تھیسی، چین نال سی پیک، انفراسٹرکچر ڈویلپمنٹ ،ہیومن ڈویلپمنٹ اتے انسانی وسائل دی ترقی تے توجہ سودھی تعلیم، صحت، ہنر مند افرادی قوت، غربت مکاونڑ، صنعتی ترقی، زراعت، خصوصی صنعتی زونز تے کم کیتا ویسی۔ انہاں یمن دی صورتحال تے ایران اتے سعودی عرب کچھاﺅدا شکار ہین جڈاں جو وزیراعظم عمران خان خطے اچ دیرپا امن کیتے ثالثی دی جیہڑی گالھ کیتی اے اوندا مقصد بھرا بھرپی ودھاونڑ اتے امن و استحکام دا رستہ کڈھنڑ اے۔شاہ محمود قریشی آکھیے جو موجودہ عالمی اتے علاقائی تناظر اچ پاکستان دی خارجہ پالیسی پارلیمان اتے عوام دی خواہشات دے مطابق ہوسی۔
سعودی عرب پیکج دے بدلے کوئی شرط نئیں رکھی، وزیر خارجہ شاہ محمود قریشی دا سینیٹ اچ اظہار خیال
مضمون کا ماخذ : resultados loteria ریو ڈی جنیرو
متعلقہ مضامین
