اسلام آباد۔8ستمبر(اے پی پی) وزیرا??ظم محمد شہباز شریف ملک توں پولیو مکاوݨ س??نڳ?? خصوصی پولیو مہم دا آغاز کر ݙتا۔وزیرا??ظم آفس دے میڈیا ونگ توں جاری بیان موجب وزیرِ ا??ظم ملک دے 115 ضلعیں اچ پولیو مہم دا آغاز کرݙتے جیں اچ پنج سال توں نکی عمر دے ترائے کروڑ ٻالاں کوں ایں موذی مرض توں بچاݨ دی ویکسین ݙتی ویسی ۔9 توں 15 ستمبر تئیں ایں خصوصی مہم دے تحت 2 لکھ 86 ہزار پولیو ورکرز گھر گھر وںڄ تے ٻالاں کوں پولیو توں بچاوݨ دے قطرے پلیسن
۔وزیرا??ظم محمد شہباز شریف انسداد پولیو مہم دے افتتاح دے موقع تے آکھیے پاکستان توں پولیو جیھے موذی مرض مکاوݨ س??نڳ?? حکومت نال تعاون کرݨ آلے شراکت داراں تے دوست بین الاقوامی تنظیماں دے شکرگزار ہیسے۔ انہاں آکھیے میں امید کرینداں وفاقی حکومت صوبائی حکومتاں تے شراکت داراں نال رل تے پولیو ملک توں منڈھوں مکاوݨ اچ کامیاب تھی ویسن ،انشاء اللہ پولیو دے پاکستان توں منڈھوں مکݨ تئیں ساݙیاں کوششاں ضرور رنگ گھن آسن ۔ وزیرِا??ظم آکھیے وفاقی و صوبائی عہدیداراں، پولیو ورکرز، سیکیورٹی اہلکار، ساریں دی انسداد پولیو س??نڳ?? کوششاں کوں خراجِ تحسین پیش کریندوں،والدین توں گزارش اے جو آپݨے پنج سال توں گھٹ عمر دے ٻالاں کوں ساری عمر دی معذوری توں بچاوݨ س??نڳ?? پولیو ویکسین دے قطرے ضرور پلاون ،اپݨے ٻالاں دے محفوظ مستقبل س??نڳ?? انسداد پولیو دیاں ٹیماں نال بھرپور تعاون کرن۔وزیرِ ا??ظم ایں موقع تے ٻالاں کوں انسداد پولیو دے قطرے وی پلائے۔تقریب اچ وزیرِ ا??ظم دے کوارڈینیٹر صحت ڈاکٹر مختاراحمد بھرتھ، انسدادِ پولیو س??نڳ?? وزیرِ ا??ظم دی نمائندہِ خصوصی عائشہ رضا فاروق، ورلڈ ہیلتھ آ??گن??ئزیشن، یونیسیف، گیٹس فائونڈیشن اتے اقوام متحدہ دے نمائندیں دے نال متعلقہ اعلی حکام وی شرکت کیتی
